Engrande ang naging launching ng news and sports channel ng TV5 na ginanap noong Biyernes, February 18, sa NBC Tent sa Taguig City.

Mapapanood simula ngayong araw, February 21, ang Aksyon TV sa pamamagitan ng Channel 41 (Channel 29 sa Davao at Cebu). Binubuo ito ng TV5 News team sa pamumuno ni Luchi Cruz-Valdez.

Bago ang pormal na trade launch ay isang press conference muna ang ipinatawag sa Jill's restaurant na dinaluhan nina TV5 President-CEO Ray C. Espinosa at EVP-COO Roberto V. Barreiro.

Naniniwala ang dalawang executives na sa loob ng maikling panahon simula nang pumasok ang bagong management sa liderato ni Chairman Manuel "Manny" Pangilinan ay malaki na rin ang kanilang napatunayan sa larangan ng paghahatid ng balita at impormasyon sa publiko.

Positibo ang pamunuan ng TV5 na sa pamamagitan ng paglulunsad ng isang dedicated news and sports channel ay lalo pa nilang maipapamalas ang kanilang kakayanan pagdating sa public service.

"Siyempre dadami ang aming reporters, which is good because it means it will increase our news gathering capabilities," sabi ni Mr. Espinosa.

Malaki ang investment na inilalaan ng management pagdating sa mga modernong kagamitan na makatutulong para mas mapabilis ang paghahatid ng balita sa mga manonood.

Matatandaang isa sa mga ipinagmamalaki ng TV5 News team ay ang pagkakaroon ng kanilang field reporters na high-tech na backpack o Live Pack, kung tawagin. (CLICK HERE to read related article.)

"These are the cameras that can broadcast from anywhere even without an OB Van," maikling paliwanag ni Mr. Barreiro.

MULTIMEDIA PLATFORMS. Agresibo ang magiging kampanya ng TV5 pagdating sa news and public affairs. Bukod sa Aksyon TV channel ay buong pagmamalaki ring ibinida ng management ang kanilang 92.3 News FM Radyo Singko, InterAksyon website, at maging ang kanilang presence sa mobile phone services.

"True to its commitment to ignite a new kind of firebrand journalism that goes beyond traditional news reporting, News5 rises to the challenge of bringing comprehensive and up-to-the-minute news by launching a massive 360-degree convergence of various multimedia platforms to deliver relevant and real-time news updates to Filipinos all across the country and around the world," pahayag ng TV5 sa kanilang press statement na ibinahagi during the event.

Paliwanag pa ni Mr. Barreiro, "Yung news kasi, di ba, you can repurpose it? Meron kang online, meron kang mobile, meron kang ganito. This is really our statement that we're very serious in news, that we intend to be there as it happens and where it happens—live!"

Itinuturing naman ni Mr. Espinosa na "good investment" ang pagbubukas ng isa pang channel sa dahilang naniniwala sila na may steady demand galing sa publiko pagdating sa news at sports programs.

"News is a content that is really cheaper to produce than entertainment," diretso niyang pahayag.

"Pag meron kang dalawang channel na magku-compete with each other, siyempre it affects your revenue. So, you have your primary channel and then you have a secondary channel, and most likely malulugi yong secondary channel mo kasi content niya halos pareho lang sa primary channel.