Wala bang kinalaman ang isyu ng pagli-link sa kanila ni Erich kaya nawala siya sa Maria la del Barrio?

"Wala po, wala po. Conflict lang po talaga sa schedule," sagot ng binata.

Nanghinayang ba siya na hindi niya nakasama sa work si Erich?

"Sayang din kasi. Sana lang hindi sabay. Yun lang, sayang talaga. Pero okay lang naman po. Happy naman po ako sa Mula sa Puso at sa Good Vibes," sabi niya.

NOT COURTING ERICH. Speaking of Erich, bakit sa tingin niya ay nali-link silang dalawa ng young actress?

"Nagugulat nga rin po ako. Wala naman pong something sa amin ni Erich. Siguro sa Shoutout po before, naging close kasi kami, kasi nga Bisaya. Pero lahat naman kami doon close naman," ani Enrique.

Pero may communication pa ba sila ni Erich ngayon?

"Wala na. Dati meron. Pero now kasi, super busy na. Siguro magte-text kami pag hindi na masyadong busy."

Nanliligaw ba siya kay Erich?

"Hindi po," sagot niya.

Pero may plano siyang manligaw dito?

"Wala rin po sa ngayon, kasi sabi ko nga, sobrang busy rin po. Career po muna ang priority ko now. Yung how I will play the roles, kasi dalawa po yung shows ko. Kaya dapat pag-aralan ko yung roles ko mabuti. Kaya hindi ko po naiisip na manligaw ngayon."

Hindi ba siya ang sinasabi ni Erich na bagong inspirasyon nito?

"Hindi ko po alam. Hindi naman siguro."

Bakit may isyung lumabas na diumano'y nag-away raw sila ni Enchong over Erich?