Proud na ipinakita ni Ruffa Gutierrez sa entertainment press ang magandang resulta ng pagsailalim niya sa bodytite medical procedure na mismong si Dra. Vicki Belo ang nagsagawa sa Belo Clinic sa Medical Plaza Building sa Makati City.
"Medium na ang size ko ngayon kasi dati large, e. I'm so happy! I think kasi our body is always a work in progress. Hindi naman ibig sabihin na payat ka for a week, e, payat ka na forever. You consistently have to take care of yourself. You have to work out, watch what you eat.
"Kaya yung ibang tao nagpapa-liposuction and they get five times bigger than they were before because they use it as a means of losing weight. Lipo is just to remove the fats. You still have to diet, you still have to watch what you eat and you have to work out. So, doon sa mga tamad, nagpapa-lipo sila, they get bigger tuloy.
"Mine is called Belotite. It's actually a little bit invasive, pero according to Dra. Vicki, tinatanggal yung mga lawlaw na skin. So, siyempre, let's face it, may lawlaw akong skin sa tummy before kasi I gave birth twice. So, after mong manganak at payat ka na, may loose skin pa rin na hindi nawawala kahit i-workout mo.
"So, itong bodytite parang pinaplantsa yung skin para matanggal yung mga lawlaw. So, wala na, pantay na ulit ang skin ko sa tummy," paliwanag ni Ruffa.
Nakausap ng PEP (Philippine Entertainment Portal) at iba pang press si Ruffa sa presscon na ibinigay ng Belo Medical Group sa actress-TV host kahapon, April 7, sa Annabel's Restaurant sa Tomas Morato, Quezon City.
Ayon pa kay Ruffa, hindi rin daw instant na sexy ka kaagad after the procedure. Pagkatapos pa raw ng isa hanggang dalawang buwan at saka makikita totally ang epekto ng bodytite.
"There was a time nga sa Paparazzi [her showbiz talk show on TV5] na for a month, sabi nila, parang mukhang manang ako kasi nga medyo bloated ako. Epekto kasi yun ng liquids na ipinasok sa katawan ko. You have to flush out yung mga liquids and then after a month or two, makikita mo na yung resulta.
"Pero mabuti rin the next day after the procedure ay nakapagtrabaho na ako. Walang down times. Nakapag-meeting na ako for my next projects kasama si Mommy [Annabelle Rama]. Tapos within the week ay nakapag-Paparazzi na ako. Hindi ko kailangang um-absent sa show."
Dahil daw sa magandang resulta ng bodytite sa kanya ay nakapag-bikini na ulit siya na kitang-kita sa sexy and daring pictorial niya kay Mark Nicdao para sa kanyang Belo billboard na makikita na raw sa Edsa this weekend.
INSPIRED BY JINKEE. Nakumbinsi raw si Ruffa na magpa-bodytite matapos niyang makita ang katawan ni Jinkee Pacquiao, asawa ng Pambansang Kamao na si Rep. Manny Pacquiao, na nauna nang sumailalim sa bodytite procedure sa Belo Clinic.
"Actually, na-inspire ako kay Jinkee. Kasi si Dra. Belo, one year na akong kinukumbinsi to do this. Sabi ko, ayoko kasi gusto ko yung mga ano lang, non-invasive, mga massage-massage, ganun.
"And then, finally noong makita ko yung billboard ni Jinkee, ang ganda niya. So, sabi ko, kung gumanda ang katawan ni Jinkee, kaya ko ring gumanda ang katawan ko ng ganyan."
Gusto lang linawin ni Ruffa na ito pa lang ang first medical procedure na sumailalim siya sa Belo. Hindi pa raw niya ipinagagalaw ang ibang parte ng kanyang katawan, lalo na ang mukha.
"Kasi they even think, 'Naku, si Ruffa nagpa-Belo.' Akala nila pati mukha ko pina-Belo ko. Excuse me, matagal na akong Miss World [second runner-up], I don't have to touch my face!
