Birthday celebration ni Charlene Gonzalez-Muhlach sa The Buzz kahapon, May 1—ang mismong araw ng kanyang 37th birthday.

Nasorpresa ang TV host dahil ang impromptu na iinterbyuhin daw niya ay ang asawang si Aga Muhlach.

Pero instead na siya ang magtanong sa mister, si Aga ang nagbato ng mga tanong kay Charlene sa kanyang segment na "Straight From The Heart."

Narito ang naging usapan nila:

Aga: "Straight from the heart, happy hirthday. Happy birthday, my love. 

"But really, it's your birthday. Ang daming nagmamahal sa 'yo.

"Yung hard work na ibinibigay mo rito, lahat ginagawa mo 'yan, and it's paying off. Ang gaganda ng mga sinabi. 

"Pero bukod sa mga sinabi, ano ang feeling mo na napapansin nila ang hard work mo, ang dedication mo? How do you feel?"

Natatawa na tila hindi naman makapaniwala si Charlene na ini-interview nga siya ng asawa.

Charlene: "Seryoso 'to?"

Kumuha tuloy ng cue card si Aga para ipakita kay Charlene na totoong siya ang magtatanong sa asawang host ng The Buzz.

Charlene: "Hindi ko kasi alam kung pini-playtime ako ni Aga, or kung totoo. 

"Okay, seriously, alam naman kasi ng asawa ko how much I love my work, and he sees that it's a big sacrifice para sa family natin, di ba? 

"Na pagdating ng Saturday and Sunday, talagang you don't...you leave me alone. You give me time to know my materials. 

"And, of course, ngayon pa lang, nagpapasalamat na ako because that's a very big sacrifice on your part at sa mga anak natin. Totoo 'yan..."