Iba ang aura ni Pia Guanio nang mabungaran siya ng PEP.ph (Philippine Entertainment Portal) kahapon, May 15, sa dressing room ng isa sa mga studio ng GMA Network Center kung saan umeere ang Showbiz Central. 

Si Pia ay isa sa original hosts ng Sunday showbiz talk-show ng Kapuso network.

Blooming at talaga namang kitang-kita na she is very much in love and inspired. 

Nagkakabiruan nga ang staff ng show. Huwag daw masyadong aligagain si Pia dahil "momemt" na niya. 

Ang susunod na gap kasi ay ang pagsasalita na ng TV host tungkol sa engagement nila ng boyfriend niyang businessman na si Steve Mago.

Marami nga ang nagulat when the news came out na ikakasal na si Pia.  

Parang kailan lang kasi nang nag-break sila ni Vic Sotto. 

Tapos, she was seen dating someone else. 

At ngayon nga, biglang mapapabalitang engaged na siya.

Noong May 7, Sabado, naganap ang pamamanhikan ni Steve sa pamilya ni Pia sa resthouse ng TV host sa Tagaytay. 

Kasunod nito ang pagsisimula na ng pagplano ng dalawa sa kanilang kasal. 

Una na raw rito ang listahan ng kanilang secondary at principal sponsors, na kinabibilangan daw nina Mike Enriquez at Mel Tiangco, ang news anchors ng 24 Oras kung saan may segment si Pia na "Chika Minute."

THE PROPOSAL. Kitang-kita sa mukha ni Pia ang sobrang kaligayahang nararamdaman nang sumalang na siya sa live interview ng co-hosts niyang sina Raymond Gutierrez at John 'Sweet" Lapus.

Ang unang tanong kay Pia ay kung paano ba naganap ang proposal sa kanya.

"It was quite a surprise. I wasn't expecting it at all," sagot ni Pia.