Nakausap ng PEP.ph (Philippine Entertainment Portal) ang mahusay na actress-director na si Gina Alajar sa set ng upcoming epicserye ng GMA-7 na Amaya sa Pagsanjan, Laguna.

Bukod sa pagiging artista sa Amaya, si Gina rin ang direktor ng weekly youth-oriented series na Tween Hearts.

Paano niya hinahati ang kanyang oras sa dalawang proyektong ito?

"Kailangan, e. Tawag ng resposibilidad, at ganun na rin, pera na rin, di ba!" ang natatawa niyang sagot.

"[Tween Hearts], every Tuesday. Katulad today, natapos ako 2:30 ng madaling-araw, so umuwi lang ako sa bahay, nakatulog naman ako sa bahay ng one and a half hours, tapos gising.

"Tapos on the way here [Pagsanjan], nakatulog din ako.

"Grabe nung minsan na galing ako sa Tween Hearts, natapos ako ng 5:30 in the morning.

"Tapos nun, umuwi lang ako sandali, naligo lang tapos dumiretso ako ng Calatagan [for Amaya].

"Ang tulog ko, sa kotse, tulog ako. Yung two or three hours na biyahe, tulog ako."

AMAYA ROLE. Ipinalarawan naman ng PEP kay Gina ang role niya sa Amaya bilang si Dian Lamitan.

"Dian is 'mother'—Mother Lamitan, Inang Lamitan, parang ganun.

"Asawa ako ng datu, ni Bugna. Hindi ako nanay ni Marian [Rivera].

"Ang nanay ni Marian, si Lani Mercado, si Dallang.

"Ako yung asawa ng datu, tapos mistress niya si Dallang.

"Ang Bugna is Raymond [Bagatsing].