Isang maituturing na homecoming ang paglabas ni Sid Lucero sa epicserye ng GMA-7 na Amaya.

Mahigit limang taon nawala si Sid sa Kapuso network nang magdesisyon siyang gumawa ng mga proyekto sa ABS-CBN.

Tandang-tanda pa nga niya na ang huling teleserye na ginawa niya sa GMA-7 ay ang Etheria, kunsaan gumanap siya bilang Asval.

Sa kanyang pagbabalik sa bakuran ng GMA-7, isa na siyang award-winning actor at leading man ng Primetime Queen ng network na si Marian Rivera.

Pero ayon kay Sid, hindi siya kumportable kapag tinatrato siyang isang "big star."

"I'll never get used to that," sambit  niya.

"I'll never get used to that, ever. Ayaw ko talaga.

"I came here the same way I left—with my head down.

"Of course, mas bibo ako ngayon, pero I came in here the same way.

"And I'm just happy to be given another chance. Yun lang naman yun, e."

Nakausap ng PEP.ph (Philippine Entertainment Portal) si Sid sa pocket presscon na inihanda ng GMA-7 para sa main cast ng Amaya, kabilang sina Marian at Mikael Daez.

Ginanap ang pocket presscon noong May 17 sa Executive Lounge ng GMA Network Center.

BACK HOME. Hangga't maaari ay ayaw ikumpara ni Sid ang kanyang naging work experiences sa ABS-CBN at sa GMA-7.

"Hindi ako yung type na, 'This is much better than the other network.'

"I believe in one industry, e... But I'm just glad, I'm back home.