Dumating kagabi, May 24, via United Airlines sa Ninoy Aquino International Airport (NAIA) ang ama at kapatid na babae ng Brazilian-Japanese hunk at first-ever Celebrity Sole Survivor na si Akihiro Sato.

First time magbabakasyon sa Pilipinas ang ama ni Akihiro na si Itiro Sato, at second time naman ng sister niyang si Tieme Sato na makabalik sa Pilipinas.

Tuwang-tuwa si Akihiro dahil matagal na niyang gustong magbakasyon ang kanyang ama dito sa Pilipinas.

Gusto raw niyang ipagmalaki sa kanyang 60-year-old father ang ganda ng Pilipinas at kung gaano kabait ang mga tao rito.

Two years na raw kasing hindi nakakabalik sa Brazil si Akihiro dahil sa sunud-sunod na trabaho niya rito sa Pilipinas.

Kaya gumawa siya ng paraan para ang ama naman niya ang makapunta rito.

"I miss my father very much," sambit ni Akihiro sa panayam sa kanya ng PEP.ph (Philippine Entertainment Portal) at Showbiz Central.

"It's been two years and I always make plans to go home to Brazil and see my family.

"But there is always work. Sobrang busy, that's why I couldn't fly home.

"I always keep in touch with them through Skype, or by Internet, chatting.

"But it is not the same when your loved ones are with you in person.

"That's why I really saved up for their tickets so that they can come here and see the beauty of this country."

PROUD DADDY. Hindi marunong magsalita ng English ang ama ni Akihiro dahil Portuguese ang salita nito.

Kaya ini-interpret na lang ng model-actor sa kanyang ama ang mga tanong rito.

Pero ang sister ni Akihiro ay nakakaintindi at nakakapagsalita ng konting English.