"To be honest, wala na po kami ni Jake."

Ito ang pag-amin ni Melissa Ricks nang usisain siya ng PEP.ph (Philippine Entertainment Portal) at iba pang press tungkol sa estado ng relasyon nila ni Jake Cuenca.

Naganap ito sa launching niya bilang bagong endorser ng Cosmo Skin sa Music Hall ng SM Mall of Asia noong May 26, Thursday.

Ito ang unang pagkakataon na nagsalita si Melissa tungkol sa tunay na estado ng relasyon nila ni Jake, kahit na ilang linggo nang usap-usapan na break na nga sila. 

"I just want to be okey para masaya naman tayo, kahit na papaano.

"And napapagod na ako na takas ako nang takas sa harap ng kamera," sabi ng Kapamilya actress tungkol sa pag-iwas niya sa mga gustong mag-interview sa kanya noon.

Patuloy niya, "I just want everything to be back to normal and wala nang intriga-intriga. 

"And sana, maging okay kami."

Nakailang taon ba ang kanilang relasyon ni Jake?

"Two years," sabi niya. 

Bakit kailangan nilang maghiwalay?

"Siguro, when people grow, people change," sagot ni Melissa.

"And maybe siguro, we have different sets of priorities. Maybe... Basta, iba. 

"And he has problems that he has to fix. I have problems too that I have to fix.

"I have to grow up as well... Basta, there are different things sa aming dalawa.