Sa ikalawang pagkakataon, magpe-perform bilang front act ang young singer na si Sam Concepcion para sa isang foreign artist na magko-concert sa bansa.

Unang naging front act si Sam sa concert ng American pop singer na si Taylor Swift noong Pebrero. At sa darating na Biyernes, Hunyo 17, makakasama naman ni Sam ang anak ng yumaong King of Pinoy Rap Francis Magalona, si Elmo Magalona.

Kung noong una ay personal siyang pinili ni Taylor para maging unang performer sa kanyang concert, sa concert naman ni Miley ay si Sam at si Elmo ang nanguna sa survey na ginawa ng Futuretainment, ang concert promoter na magdadala sa Disney singer-actress.

Paniwala ni Sam, nakaimpluwensya ang kanyang performance noon sa concert ni Taylor kaya siya nanguna sa survey.

Ani Sam, "I think that's one of the biggest factors.

"My Taylor Swift performance is probably the one that gave me... siguro it proved that I can perform for a crowd like that.

"It's one of the biggest performances I've ever done. I guess it all started there."

Magkakaroon ba ng kumpetisyon sa pagitan nila ni Elmo sa darating na Biyernes?

Natawa si Sam at sinabi na magiging pareho lang ang kanilang partisipasyon sa concert.

Magkakaroon ng dalawang solo numbers sina Elmo at Sam. Pagkatapos ay magkakaroon din sila ng duet.

Sabi pa ni Sam, "We're just there to perform and we'll give our best for the people and try to get them high kasi 'yon naman talaga ang purpose of being a front act—get the crowd warmed up and get ready for Miley."

ON COMPETITION BY FOREIGN ACTS. Samantala, hiningi naman ang opinyon ni Sam tunkol sa isyu na isinusulong ngayon ng mga Pinoy music artists na limitahan na ang pagdala ng mga foreign singers sa bansa.

Para sa 18-year-old singer, "There should be balance.

"I understand the OPM or where the OPM artist is coming from.

"Siyempre, the OPM artist sometimes feel neglected or they feel overshadowed by some of the bigger international artist.