First time makakasama ng rocker-actor na si Kean Cipriano sa isang movie ang award-winning actress na si Eugene Domingo. Magkasama ang dalawa sa Ang Babae sa Septic Tank, ang indie film ni Marlon Rivera na kalahok sa Cinemalaya Independent Film Festival.

Nagkaroon ng pagkakataon ang PEP.ph (Philippine Entertainment Portal) na makausap si Kean sa presscon ng Ang Babae sa Septic Tank noong July 1, Friday, sa Katre restaurant sa Scout Lazcano St., Quezon City.

Ipinahayag ng Callalily lead singer ang kanyang paghanga sa award-winning comedienne.

"I admire her… she's very lovely—Eugene Domingo, alam mo 'yon? That's how I see her."

"Alam mo 'yon, that's me, as a fan… And now as a friend, alam mo 'yon, I found a friend in her," sabi niya niya.

Sa maikling panahon na nagkasama sila sa paggawa ng pelikula, gano'n kabilis lumalim ang pagkakaibigan ng dalawa?

"Yeah, oo naman!" sambit ni Kean.

"Hindi maiintindihan ng kahit na sino, kapag naging... kapag magaan 'yong loob n'yo sa isa't isa, e.

"Ako, magaan 'yong loob ko sa kanya. Alam mo 'yon, parang ang saya nung life, ang saya nung flow, ang saya nung atmosphere namin. Kaya ayun."

Ayos lang kaya sa binata na ma-link sa mas mature sa kanya?

"Yeah. Why not?" tugon ni Kean.

SINGLE OR IN A RELATIONSHIP. Napapabalitang single ngayon ang singer-actor, totoo ba ito?

"Yes I am, apparently," sabi niya.

Searching for someone ba siya ngayon?

"Ang corny ko naman kung sabihin kong hindi, di ba? Pero, oo naman, siyempre naman.