"We're taking things slowly. We're not in a rush yet. Parehas kaming busy," paliwanag niya.

Pero kumusta na sila ngayon?

"Lumalabas po kami. Things are going well. Kapag may oras po, nagkikita kami. Nag-uusap kami palagi."

Dinadalaw ba niya si Sheena sa bahay nito sa Pampanga?

"Kapag may time po," medyo natatawang sagot ni Rocco.

Nilinaw rin ni Rocco ang pagtanggi niya noon sa "Don't Lie To Me" segment ng Showbiz Central na dumadalaw siya kay Sheena.

Ilang buwan na raw ang nakalipas noon at marami nang nangyari.

"Since then, things have been better. Naging close kami. Nakadalaw ako, nakilala ko na yung parents niya," banggit ni Rocco.

Dinadalaw rin ba niya ang dalaga sa taping nito ng Amaya?

"Hindi pa po ako nakakapunta, kasi nagte-taping na rin po kami ng danserye, e," banggit ni Rocco sa kinabibilangan niyang palabas sa GMA-7, ang The Time of My Life.

Pinapanood niya ba si Sheena sa Amaya?

"Pag may oras po...pag naabutan ko po."

Gumaganap si Sheena bilang isang uripon (alila) sa Amaya, at required sa role nito ang mag-topless sa kanyang mga eksena.

Tinanong si Rocco kung kailangan bang nagpaalam sa kanya si Sheena na magta-topless siya sa Amaya.

"Hindi po, hindi po. Trabaho po 'yon. Hindi po ako mangingialam sa trabaho niya," sagot niya.

Kung si Rocco ay nakapag-pictorial na nang sexy sa Cosmopolitan at Men's Health, papayagan ba niya kung saka-sakali si Sheena na mag-pose sa FHM?