Muling isiniwalat ni Mark Gil ang kanyang damdamin tungkol sa pagbubuntis ng kanyang anak na si Andi Eigenmann sa exclusive taped interview sa kanya ni Boy Abunda sa The Buzz kahapon, July 10.

Ayon kay Mark, ipinaalam niya kay Andi at sa ina nitong si Jaclyn Jose ang gagawin niyang pagpapa-interview.

"Yes, kinausap ko rin siya bago tayo... ngayon," sabi ni Mark kay Boy.

"Si Andi, tinawagan ko siya. Tinawagan ko si Jane—si Jaclyn Jose yun. Ang mommy niya.

"Tinawagan ko rin si Gabby [Eigenmann], my eldest son. And my wife, of course, hiningi ko talaga ang side nila."

Si Gabby ay anak ni Mark sa dating actress-model na si Irene Celebre. Ang "wife" naman na tinutukoy niya ay si Maricar Jacinto.

ANDI'S PREGNANCY. Ikinuwento muna ni Mark ang unang pagkakataon na nalaman niyang buntis nga si Andi.

"Tumawag sa akin si Jane... Jaclyn and I are very civil. We're friends. I always welcome when she calls me up.

"Dumating sa point na kinausap niya ako. 'Hey, anong problema?'

"And she was trying to tell me na may mga nangyayari sa buhay ni Andi. 

"Ako naman, wala akong alam. So, ako, wala akong alam. 

"'Ano, tuloy pa rin ba? Sila pa ba? Nanggugulpi pa ba?'

"'Hindi, there's something more to it.' Then I said, 'Ano?'

"Nararamdaman ko yun. Alright, no problem. 

"At first, I react. Galit. I tell Jane, 'Huwag kang magalit. I'll talk to you later,' because I was doing my usual day from taping and working.