Matapos umamin nina Dra. Vicki Belo at Hayden Kho Jr. na engaged na sila, hindi na tinantanan ng media ang mga anak ng cosmetic surgeon na sina Quark at Cristalle Henares.

Batid kasi ng press ang disgusto noon ng magkapatid sa mas batang kasintahan ng kanilang ina.

Kumusta ang relasyon ni Quark kay Hayden?

"Okay naman. I mean not, not bad. I'm very direct with him.

"I think that's how he should be dealt with also," pahayag ni Quark sa taped interview sa magkapatid na ipinalabas sa Startalk TX last Saturday, July 16.

Si Cristalle, kumusta siya with Hayden?

"I'm still at a point, na you know, I'm still a bit protective of my mom. So, we're not chummy, chummy or anything.

"Pero, when we see each other in public, ano naman may acknowledgement," sagot niya.

Sa tanong kay Quark kung "Hayden" lang ang tawag niya rito, o "Tito," ito ang natatawang sagot niya: "Baka soon enough Papa na, e!"

"Papi," ang mabilis namang reaksyon ni Cristalle sa sinabi ni Quark.

Hiningan naman ng paglilinaw si Quark tungkol sa statement umano niya na "blood will flow" kapag sinaktan muli ni Hayden ang mommy nila.

"There wil be blood. There will be blood!" ang tumatawang sinabi ni Quark.

"That was actually a statement. Yeah, that's a figure of speech."

Kasi, hindi naman daw violent si Quark.

Bagamat matagal nang itinago sa media noon pa man, alam na ng magkapatid ang planong muling pagharap sa altar ng kanilang ina.