Bukod kay Dingdong Dantes, isa pa sa original talents ng PPL Entertainment, Inc. si Gabby Eigenmann.

Sa pictorial ng lahat ng talents ni Perry Lansigan noong August 6, Sabado, maaga pa lang ay nasa Hacienda Isabella na si Gabby.

Naging sort of bonding na rin nilang lahat ang pictorial dahil yun lang ang natatanging araw na nagkasama-sama sila.

Ayon kay Gabby, nang makausap ng PEP (Philippine Entertainment Portal) during his pictorial break, "Yung first batch, siyempre nagkasama-sama na.

"Pero yung mga bago ngayon, like sina Janno Gibbs, sina Wilma Doesnt, LJ Reyes, Rochelle Pangilinan, Wendell Ramos, at saka si Isabelle Collins, happy kami kasi new breed.  

"Kumbaga, sa poder ni Perry, excited kaming lahat.

"Actually, kagabi nga, habang nasa taping ako, tinext ko silang lahat. 

"Sabi ko, 'I'm excited to bond with you guys.'"

Naa-appreciate daw niya ang mga ginagawa ng manager nila tulad ng naturang pictorial.

Ani Gabby, "Meron kasing iba, may mga questions na, 'Para saan? What for?'

"Sa akin, we'll all benefit naman. We'll showcasing what we have. What PPL has and what's Perry got in store for us.

"Kumbaga, hindi yung wala lang."

Bilang pioneer talent ng PPL, paano niya tinitingnan ang bagong talents na nadaragdag sa kanila?

"Noong una kasi, nauna kasi kaming dalawa ni Dingdong. Wala pa namang kumpanya si Perry noon.

"Until it came to a point that we were growing. Pumasok si Geoff [Eigenmann], si Arthur [Solinap], si Carlo [Gonzalez], and eventually Jolina [Magdangal] and Angelika [dela Cruz].