Successful ang first solo concert ng "multi-slashie" na si Solenn Heussaff, na tinawag na Solenn On Stage.

Nagkaroon ng pagkakataon ang PEP.ph (Philippine Entertainment Portal) na masaksihan ang first night ng two-day concert ni Solenn na naganap August 19 sa Teatrino, Greenhills, San Juan.

THE ACTS. Sa umpisa pa lang ay mataas na ang energy level ng mga tao. Ito ay matapos mag-perform ng tatlong awitin ang model-actor-singer na si Geoff Taylor.

Di naman nagtagal, lumabas na din ang star ng gabing iyon, si Solenn Heussaff. Naging opening number niya ang awiting "Fever."

Bukod dito, inawit din niya ang ilan pang tracks mula sa kanyang self-titled album, tulad ng "Torn," "All I want to Do," at "Love Song Lyrics."

Maya-maya pa'y pinakilala na ni Solenn ang kanyang makakasamang umawit ng gabing iyon— ang kapatid niyang si Erwan Heussaff.

Si Erwan ay ang boyfriend ng model-host na si Anne Curtis, na naroon din noong gabing iyon upang suportahan ang kanyang nobyo at kapatid nito.

Matapos ang duet nilang magkapatid, sinabi ni Solenn na ang next song ay ang kanyang "sexy song" for the night—ang kantang "Our First Time" ni Bruno Mars.

Nang kanyang simulan naman kantahin ang "Fire," ang carrier single ng kanyang album, lumabas ang singer-songwriter na si Ogie Alcasid.

Hindi nagpahuli si Ogie sa pagka-sexy ni Solenn dahil tinapatan nito ang "sexy" dance moves ng model-singer onstage.

Matapos ang kanilang duet, sinabi ni Ogie, "Just like Solenn, we are both a mixture of two [bloodlines]. She's half-Filipino and half-French. I'm half-Filipino and half-Filipina!"

Inawit ni Ogie ang ilan sa kanyang popular na kanta tulad ng "Kailangan Kita" at "Bakit Ngayon ka Lang."

After ng solo performance ni Ogie, muling umakyat sa stage si Solenn. Inawit nila ang  "Chemistry." Ang kantang ito'y composed by Solenn with the help of former Rivermaya lead vocalist na si Rico Blanco.

Inilarawan ni Solenn ang naturang awitin: "This song is about two people who meet on a dance floor and want to have some fun... [But] people are too judgemental, they go 'Nah, ah, ah! Wag diyan!'"

Nagkaroon ng second duet ang magkapatid na Erwan at Solenn. Dito'y kinilig ang mga manonood dahil kapansin-pansin ang pagtitig ni Erwan sa nobyang si Anne Curtis habang umaawit ng isang love song.