Bali-balita na dahil sa TV special na gagawin ni Gary Valenciano—With Love Gary Valenciano Special—malapit na raw siyang mag-lie low sa kanyang mga performances.

At hindi naman ito ikinaila ng tinaguriang "Mr. Pure Energy."

"Eventually," sabi ni Gary sa press conference para sa With Love Gary Valenciano Special noong Miyerkules, Agosto 31,  sa Mesa Restaurant sa Tomas Morato, Quezon City

Paliwanag niya, "Ayoko kasi dumating sa punto na sa tao mismo manggagaling yung 'Ay, bumabagal na siya. Siguro dapat [mag-slow down na siya].'

"I'd rather stop and then just make people go, 'You know, I remember Gary V used to dance like this.'"

Nagbigay pa ng halimbawa ang singer.

"Like my sister, she used to be a champion in dancing but she stopped while she was still... kahit kaya pa niya.

"Masakit kasi siyempre kaya mo pa, pero malapit na do'n sa punto na [hindi na kaya]."

Ang tinutukoy ni Gary na kapatid niya ay si Gina Valenciano-Martinez, na maybahay ng aktor na si Leo Martinez.

How about bidding "goodbye" sa industriya?

Pinabulaanan naman ito agad ni Gary.

Aniya, "Goodbye is not part of my vocabulary."

Paliwanag pa niya, "In 2008, nag-concert ako sa Araneta Coliseum. Not many people noticed, but some did and one of them was Echo [Jericho Rosales].

"He came to me after [the show] and said, 'Chief, you kissed the stage. What does that mean?' I said, 'That's it.'

"I mean, with regard to big concerts na tipong Hataw Na, at my age, it's difficult to keep up a concert like that for two and a half hours. That's one.