Late last year ay pumutok ang balitang nagdadalang-tao ang Kapamilya star na si Denise Laurel.

Nagsimula bilang blind item, hanggang sa diretsahan na siyang pangalanan.

Pero nang subukan ng press na kumpirmahin ito mula sa kampo ni Denise—partikular na ang kinabibilangan niyang talent management na ALV Productions ni Arnold Vegafria—ay itinanggi nila ang balita. (CLICK HERE to read related story.)

Ang nakapagtataka lang, kasabay ng balitang buntis si Denise ay ang bigla nitong pagkawala sa kinabibilangan niyang soap opera noon—ang Kristine. Kasama ni Denise dito sina Cristine Reyes, Zanjoe Marudo, at Rafael Rosell.

Noong Sabado, September 3, ay muling napanood si Denise sa pamamagitan ng pagganap niya sa drama anthology ng ABS-CBN na Maalaala Mo Kaya.

Kahapon, September 4, pagkatapos ng ilang buwang espekulasyon, finally ay inamin na ni Denise sa live interview sa kanya ni Boy Abunda sa The Buzz na isa na siyang ganap na ina. 

DEFENDING HER MANAGER. Pinasalamatan muna ni Denise ang kanyang home network at ipinagtanggol din niya ang kanyang manager na si Arnold Vegafria.

"You know, not everybody knows this, but he [Arnold] defended me talaga through the end.

"He didn't know anything until the middle na of the whole process. 

"And he answered for me, through and through, he was solid for me," saad ng nagbabalik-showbiz na aktres.

THE PREGNANCY. Malaking break ang ibinigay sa kanya noon ng ABS-CBN sa Kristine nang mabuntis siya. Pero kinailangan nga niyang iwan ang show dahil sa kanyang maselang kalagayan.

Nang tanungin ni Boy si Denise kung ano ang nangyari nang malaman niyang buntis siya, tinanong muna ng aktres ang TV host if she looks okay. 

At saka siya tumayo to show na sexy na siyang muli at wala na ang bakas na siya ay nagbuntis.

Ayon sa actress who will turn 24 years old this month, "The moment I found out, akala ko... Twenty-seven, napaaga. That was my target. 

"Everybody knows that I love babies. Lahat ng buntis, kinakausap ko, 'How does it feel?' I always love kids.