Ibang-iba na si Lovi Poe sa ngayon.

Nang masilayan siya sa showbiz noon, shadow lang siya sa kanyang sikat na ama, ang king of Philippine Movies na si Fernando Poe Jr. na mas kilala sa tawag na FPJ.

Pero unti-unting umukit ng kanyang sariling pangalan sa mundo ng showbiz si Lovi. Hindi naging hadlang sa kanya ang palagiang pagkukumpara sa kanyang amang minahal sa industriya mula noon hanggang ngayon.

Pero sa bawat paghakbang niya paitaas, ay hindi maiiwasang may mga kalakip itong intriga at isyung laging ipinupukol sa kanya. Mula sa pagkakaroon ng iba't ibang boyfriend daw, hanggang sa kanyang pagpapa-seksi ay maraming puna ang inabot ni Lovi.

Pero hindi ito naging hadlang para ipakita sa tao na kaya rin niyang tumayo sa sariling paa, being herself, being Lovi.

Naging mapangahas si Lovi sa kanyang pelikulang, My Neighbor's Wife, maging sa FHM September issue kung saan siya ang cover kasama ng isang elepante.

At sa interview ni Lovi kanina, September 11, sa Paparazzi Showbiz Exposed ng TV5, maraming "Forbidden Questions" ang binitawan ni Mo Twister na sinagot naman ng dalaga.

Isa na nga rito ang pagiging "abused girlfriend" daw niya noon sa isang nakarelasyon.

Narito ang buong panayam ni Mo kay Lovi sa segment na "Answer Mo."

Mo Twister (MO): Hi Lovi, how are you? Thanks for being here. Congratulations unang-una sa magazine. Sobrang ganda, I'm sure you're very proud of it.

Lovi Poe (LP): Thank you, thanks Mo.

MO: Okay, I'm sure you get this question all the time. FPJ, FPJ. Kasi siyempre you know, your father was one of the greatest icons in our country. Growing up, were you treated by Sir FPJ as a princess or medyo matapang na tomboy din, kasi yun nga, action star siya?

LP: No, you know what, I didn't grow up with everything like, handed down to me. Kumbaga, I had to work on everything as in, my mom never spoiled me and my dad never spoiled me so I had to work hard to get everything that I want. So ayun, there are times pa nga na hindi ko nakukuha kung ano yung gusto ko. So no, definitely not a princess.

MO: Pero halimbawa sa mga tao na dito sa industriya, mga friends mo sa school, parang do you think you were treated differently kasi yun nga, daddy mo si FPJ?

LP: No, no, no.

MO: Oh really?

LP: Yes, everything parang the same. Kasi I don't see myself din naman as his daughter. Parang, I know I am, but I think I don't like to put it in my head.

MO: Yung mga guys that date you or ask you out on dates do they get intimated, kahit na medyo, you know, wala na dito si FPJ. Do you think they get intimidated kasi, oh my gosh, you know, the king!

LP: I think — I'm not sure about intimidated — but I think, I'm actually very thankful nga because of the legacy that my dad left me. I think yung respect na nakukuha ko from men, I think, yun, I think that's what I get sometimes.

Sa takbo ng panayam ni Mo, naging kumportable na sila parehong dalawa ni Lovi sa mga maiinit pang tanong, kaya naman, hindi na pumepreno ang matapang na DJ-TV host sa kanyang mga sumunod na "Forbidden Questions."