Sa taped interview ni Matteo Guidicelli sa The Buzz kahapon, September 11, ay muli niyang hinarap ang ilang mga katanungan kaugnay nangyaring engkuwento sa pagitan nila ni Coco Martin sa Star Magic Ball noong madaling-araw ng September 4, Linggo. (CLICK HERE to read related story.)
Dito rin sa interview sa kanya ni Boy Abunda isiniwalat ni Matteo ang kanyang relasyon sa young actress na si Maja Salvador, na sinasabing dahilan ng naging away nila ni Coco.
Nauna nang humingi ng paumanhin si Matteo sa noontime show na Happy Yipee Yehey! noong September 5. (CLICK HERE to read related story.)
Pero kahapon, matapang na hinarap ni Matteo ang mga katanungang naglalaro sa isipan ng karamihan.
Ipinaalala ni Boy kay Matteo ang naging interview niya kay Maja Salvador sa The Buzz noong nakaraang Linggo, September 4. Nang tanungin niya ang young actress kung may relasyon sila ni Matteo, sumagot si Maja ng: "Opo, pero pagkatapos ng nangyari, hindi ko na alam." (CLICK HERE to read related story.)
Kaya ang unang kinumusta ni Boy kay Matteo ay kung silang dalawa pa ba ni Maja pagkatapos ng nangyaring insidente last week.
"Opo, kami pa po, Tito Boy. We're doing good.
"Palagay ko po, itong event na ito, what happened made us stronger," nakangiting sagot ng car racer turned actor.
Mahal ba niya si Maja?
"Siyempre po," mabilis niyang tugon.
Pero, gaano niya ito kamahal?
"Sobra-sobra po."
A LOVE STORY. Dahil last week lang nga umamin si Maja sa tunay na estado ng kanilang relasyon, tinanong ni Boy si Matteo kung paano sila nagsimula, nagkaligawan.
"Dati pa po, noong magsimula ako sa showbiz, she's one of my showbiz crushes," pag-amin ni Matteo.
What does he like about Maja?
