Huling episode na ng top-rating afternoon series ng GMA-7 na Sisid ngayong araw, September 16, at mixed emotions ang nararamdaman ng bida nitong si Jackie Rice.

Natutuwa at nalulungkot at the same time si Jackie, lalo na raw noong nag-last taping day na silang lahat.

Kuwento niya sa PEP.ph (Philippine Entertainment Portal), "Hindi ko nga alam ang mararamdaman ko noong sinabi nilang last day na naming lahat sa taping ng Sisid.

"Hindi ko alam kung matutuwa ako or malulungkot.

"Happy ako, kasi after 17 weeks, makakapagpahinga na kaming lahat.

"Ever since kasing nagsimula kami ng taping for Sisid, tuluy-tuloy na 'yon.

"Kumbaga, ito na ang naging buhay namin for the next four months.

"Marami kaming naging hirap noong first week pa lang ng taping.

"Nababad kami sa init ng araw, parati kaming nasa dagat, at mabibigat agad ang mgas eksena naming lahat.

"Kaya parang malaking bagay na yung natapos namin ang Sisid na mataas ang ratings namin.

"From the start naman ay consistent na mataas ang ratings namin kaya malaki ang pasasalamat namin sa mga sumubaybay sa istorya ni Eden [her character's name] at ng mga taong may kinalaman sa buhay niya."

DIREK RICKY. Nalulungkot din si Jackie dahil mami-miss daw niya ang mga kasama niya sa Sisid, lalo na ang kanilang director na si Ricky Davao.

"Naging very close kaming lahat sa Sisid," sambit niya.

"Yung mga leading men ko na sina Dominic Roco at JC Tiuseco.

"Yung mga kontrabida namin na sina Alicia Mayer, Rich Asuncion, Maricar de Mesa, at Bela Padilla.