For the first time, Janice de Belen sat down for a live, face-to-face interview with Charlene Gonzales on The Buzz yesterday, September 18. 

Alam ng lahat, na bago pa man ikasal si Charlene kay Aga Muhlach, may "Angelo Luigi Miguel or Igi Boy" na anak na sina Aga at Janice.

Kaya ang paghaharap nila nang live kahapon sa The Buzz—at para rin sa promo ng comeback project ni Janice sa ABS-CBN na seryeng Budoy—is a rare moment in local television.

MESSAGE FOR MOMMY JANICE. Pero bago ang naturang interview, isang VTR message muna ang ipinalabas galing sa anak nina Aga at Janice na si Igi Boy para sa kanyang ina.

Ayon kay Igi, who is a father now, "Mabuti talaga ang nanay ko. 

"Sobrang dami niyang pinagdaanan. Alam mo yun?

"Lahat ng pinagdaanan niya for us, never niya yun isinumbat sa amin."

Bukod kay Igi, may apat pa siyang mga nakababatang kapatid sa ina, na mga anak naman ni Janice sa dati nitong asawa na si John Estrada.

Ayon kay Igi, "Being a parent is hard. So, ano pa kaya kung single parent ka? 

"Yung [pagka-]single parent niya at saka, yung pag-aalaga niya sa amin, sobrang sakripisyo na yun, e, di ba?

"Wala siyang kasama. Siya lang mag-isa ang nag-aalaga sa amin.

"Itinuro rin niya sa akin ang pagiging example sa mga anak ko.

"Mas naiintindihan ko ngayon ang mga pinagdaraanan niya dahil may sarili na rin akong pamilya.

"Parang naging example sa akin, e."

WELCOME JANICE. Nang ipakilala na ni Charlene si Janice sa kanyang segment na "Straight From The Heart," hindi maikakailang totoo sa loob ni Janice nang sabihin niyang kinakabahan siya.