First time na nag-guest nang live ang bagong lipat sa ABS-CBN na si Paulo Avelino sa The Buzz kahapon, September 25.

Pero bago ang interview sa kanya ni Toni Gonzaga, ilan sa mga nakasama ni Paulo sa primetime series na 100 Days To Heaven at iba pang Kapamilya stars ang bumati at nagbigay ng ilang mensahe sa kanya sa pamamagitan ng VTR.

Ilan sa kanila ay sina Coney Reyes, Xyriel Manabat, Jodi Sta. Maria, Marc Abaya, Pokwang, Melissa Ricks, at ang "idol" ni Paulo na si Kim Chiu.

NEW HOME. Ang unang tanong ni Toni kay Paulo ay kung kumusta na ito sa bago niyang tahanan, kung nararamdaman pa rin ba niya ang pagkailang, o kinakabahan pa rin ba siya.

"Kinakabahan pa rin, pero nandoon yung excitement. Parang mixed-emotion."'  

Meron bang fears o kinakatakutan si Paulo sa naging paglipat niya o bilang isang Kapamilya ngayon?

"So far, ang kinakatakutan ko lang naman ngayon is hindi ko ma-portray nang maayos ang mga trabahong ibibigay sa akin," sagot ng dating Kapuso star.

Pero ayon sa mga nagbigay ng mensahe sa kanya sa VTR, prepared at inaaral naman daw ni Paulo ang mga linya na ibinibigay sa kanya. 

Ano naman ang masasabi ni Paulo sa mga Kapamilya stars na nag-welcome sa kanya sa VTR?

"Thank you. Thank you," sambit niya.

"I didn't expect them to give a short statement or welcome for me.

"Pero, nagpapasalamat ako at winelcome nila ako nang maayos and for the kind and inspiring words."

Pero ano nga ba ang gusto niyang gawin—drama, action, comedy?

"Sa ngayon, mas gusto kong mag-concentrate sa acting.

"Eventually siguro, magba-branchout din yun sa singing, dancing," sagot niya.