Sinadya ng PEP.ph (Philippine Entertainment Portal) ang taping ng dance-serye ng GMA-7 na Time of My Life noong Huwebes, October 6, sa Studio 7 ng GMA-7 Network Center.

Dito ay nakausap namin ang mga bida sa serye, kabilang na ang StarStruck V Ultimate Male Survivor na si Steven Silva.

Dito ay ginagampanan ni Steven ang papel ni John, ang boyfriend ni LJ Reyes bilang Zaira.

"My role is medyo ano... naka-under ako kay LJ. Siya, she's the main kontrabida.

"Siyempre, there are times na I don't like what she does, pero ano, I just go along.

"Pero I... hindi naman ibig sabihin na kontrabida din ako.

"There [are] times na I really don't agree with what LJ does," paglalarawan ni Steven sa kanyang role.

May similarities and differences ba ang role niya sa Time of My Life sa tunay na buhay?

"Si John naman ano, medyo soft-spoken. Parang ako din, soft-spoken din ako.

"Pero ewan ko, si John parang sobrang kawawa siya, e, he just doesn't say anything.

"I don't think I'm like that, so... Magaling si LJ, so I tried to go with her. I tried to support LJ.

"Sa tingin ko, magaling siya. Magaling si LJ na naging kontrabida."

DAY-OFF. Busy si Steven ngayon sa dalawang shows niya sa GMA-7—Time of My Life at ang musical-variety show na Party Pilipinas.

Pero kung wala siyang trabaho, ano ang kadalasang ginagawa niya during his free time?

"If ever I have a day off, ang ginagawa ko, nagpupunta ako sa gym.