Sa mahigit na dalawang taong pagsasama nina Ryan Agoncillo at Judy Ann Santos, tila nahaharap ngayon sa matinding isyu ang power couple.
Hindi mamatay-matay ang mga balitang madalas diumanong nagtatalo ang dalawa.
Madalas nga bang nag-aaway ang mag-asawa dahil sa selos?
"Wala! Hindi, sa totoo, ha? Pero may mga issues, may mga times na may mga issues pero hindi madalas. Parang... di ba sa pagsasama naman ng mag-asawa, hindi naman yan bed of roses na perfect, e," ayon sa pahayag ni Judy Ann sa taped interview sa kanya ng StarTalk TX na ipinalabas kahapon.
Sa pahayag naman ni Ryan...
"Hindi kami madalas mag-away, actually. Madalas ba? Minsan sinasadya na nga namin, e. Para lang magkarooon ng away," ang natatawa pang pahayag ni Ryan.
Pero nakaramdam ba si Judy Ann ng selos sa pagkaka-link ng kanyang mister sa kasamahan ni Ryan sa Eat Bulaga! na si Daiana Menezes?
"Hindi, noh! Wala, walang dahilan para magselos ako.
"Pangalawa maliban sa...imbes na magselos ako, naawa pa nga ako kay Daiana kasi parang, di ba? Magkaibigan lang naman sila ni Ryan, binigyan ng ibang kulay, na-hassle pa siya ng ibang tao, nakakahiya."
Ayon naman kay Ryan...
"Ang korni! Ang korni nun, di ba? Pero okay lang, yung mga ganung intriga nakakapogi e," at tumawa ang actor/TV host.
"As far as I know it was just on Twitter, and then meron tayong kaibigan sa press na sinulat, lumaki, tumagal pero...ganun lang talaga yun! So we just keep on telling her, 'You know what, don't mind it!'
"Pero siyempre dahil hindi naman siya tagarito at hindi naman niya naiintindihan ang takbo ng Pilipino, ini-explain sa kanya na 'Huwag mo nang pansinin.'
"Eh patola rin si lola, e! So ako, parang 'Huwag mo ng pansinin yan!'"
May mensahe naman si Judy Ann sa Brazilian actress/TV host.
