Nakausap ng PEP.ph (Philippine Entertainment Portal) si Mark Herras sa taping ng Time of My Life sa Studio 7 ng GMA Annex Building.

Dahil girlfriend ni Mark si Ynna Asistio, tinanong namin kung ano ang saloobin niya sa gulong namamagitan sa ina ni Ina, na si Nadia Montenegro, at sa talent manager ni Ynna, na si Annabelle Rama.

Paano niya sinusuportahan si Ynna?

"Actually, si Ynna and to her family, yung support na binibigay ko is normal lang naman po.

"Na, 'Huwag ninyo na lang pansinin 'yan kahit sobrang below the belt na. Pabayaan ninyo na lang po.'

"Pero alam ko naman po na lalaban at lalaban sina Tita Nadia.

"Sa case ko lang po kasi, ayoko lang manghimasok dun sa gulo.

"I mean, family ko na rin po sila, pero siyempre po, ayoko na rin pong mas makagulo pa sa isyu.

"So, iyon po," pahayag ni Mark.

BELOW THE BELT. Naniniwala siyang "below the belt" na ang alitan sa pagitan nina Nadia at Annabelle?

"Oo, sobra naman po!" bulalas niya.

"I mean, nakakabasa naman ako sa mga Twitter.

"Di ba talaga naman pong below the belt na yung nangyayari?

"Tsaka ayoko na pong mag-comment tungkol diyan, ayoko na pong sumama sa isyu."

Si Nadia, paano sinusuportahan ni Mark?