Ikinagulat ni Zoren Legaspi ang diumano'y naganap na "conflict" sa pagitan nina Lorna Tolentino at Alice Dixson, mga bida sa bagong primetime teleserye ng TV5, ang Glamorosa.

Nangyari ang sinasabing "conflict" sa pagitang ng dalawang aktres sa presscon ng Glamorosa noong Sabado, November 5, sa Meralco Lighthouse ng Meralco Building, sa Ortigas, Pasig City. 

Marami kasi ang nag-react sa pagiging in-character ni Alice bilang kontrabida sa pagpasok pa lang nito sa venue, hanggang sa mataray na pagsasagot nito sa tanong ng mga press.

May mga nakapansin naman na tila hindi nagustuhan ni Lorna ang "drama" na ito ni Alice.

Si Zoren ang escort ni Alice ng gabing iyon.

Kaya naman pagkatapos ng presscon ay tinanong ng PEP.ph (Philippine Entertainment Portal) ang aktor kung ano ang reaksiyon niya sa isyung ito.

Sabi ni Zoren, "Ngayon lang nagkaisyu nung nag-character si Alice dito. E, ako nagulat din ako, e."

Pero ayaw raw seryosohin ni Zoren ang isyu dahil alam niya ngang in-character lang si Alice.

"Ako ay natatawa kasi talagang in-character si Alice.

"Sa baba pa lang kasi, si Mr. Fu... iniirap-irapan niya lang si Mr. Fu, e, nung ini-interview siya."

Si Mr. Fu ay segment host ng Paparazzi Showbiz Exposed ng TV5.

"So, dun ako nakaramdam na in-character nga siya.

"Kasi sinabihan yata siya na dapat in-character siya.

"Kaya ayun, dinala niya hanggang dito sa presscon, which is, for me, it's something nice.

"It's something different para maiba naman yung ambiance ng presscon.