Nakapanayam ng PEP.ph (Philippine Entertainment Portal) si Gabby Concepcion sa cast pictorial ng Regal Films Metro Manila Film Festival 2011 entry na Yesterday Today Tomorrow.
Ito ay naganap sa Regal office sa Valencia compound, San Juan City kahapon, November 13.
Matapos siyang tanungin tungkol sa kanyang papel sa nasabing pelikula at sa paglipat niya sa TV5, kinumusta rin ng PEP kay Gabby ang kalagayan ng anak nila ni Sharon Cuneta na si KC Concepcion.
Ayon kay Gabby, huli silang nagkausap noong birthday niya noong November 5.
Kuwento ng 47-year-old actor: "Binati niya ako noong birthday ko.
"Sabi niya, kakanta nga raw siya sa Indonesia [for the SEA Games]. Haping-happy nga raw siya.
"Sabi ko, 'Good luck. I'm proud of you, my lovely daughter.'"
KC-PIOLO RUMORED BREAKUP. Nitong mga nakaraang linggo ay lumabas ang balita tungkol sa pagkakalabuan daw ng relasyon ni KC at ng boyfriend nitong si Piolo Pascual.
Pero hanggang sa kasalukuyan ay hindi pa malinaw kung sila pa nga ba o hindi na.
Sabi naman ni Gabby tungkol dito: "Oo nga, balita ko nga rin.
"Hindi ko nga alam kung ano ang nangyari sa kanila.
"E, siyempre ako, gusto ko rin sanang malaman.
"Hindi naman sa nakikialam ako.
"Pero kung meron siyang [KC] gustong sabihin, baka puwede ko siyang bigyan ng advice kung hihingi siya.
"Pero siyempre, private issue yun, e.




0

