Pagkatapos ng sampung taon, muling nagbabalik si Richard Gomez sa ABS-CBN.

Pero paglilinaw nga ng aktor, per project basis ito dahil may ibang show pa siyang ginagawa sa TV5.

Balik-Kapamilya si Richard sa upcoming soap na Walang Hanggan.

Dito ay reunited sila ni Dawn Zulueta, and kapartner niya sa blockbuster films niya sa Reyna Films ni Armida Siguion-Reyna.

Kasama rin sa cast sina Coco Martin, Julia Montes, Melissa Ricks, at Paulo Avelino.

Kagabi, November 14, live na humarap si Richard sa one-on-one inteview kay Boy Abunda para sa "Ikaw Na" segment ng late-night news program ng ABS-CBN, ang Bandila.

"THE PRODIGAL SON IS BACK." Ang tungkol nga sa pagbabalik ni Goma (palayaw ni Richard) sa Kapamilya Network ang una nilang pinag-usapan.

Pagkatapos daw kasi ng contract signing ng aktor, sa isang television interview ay sinabi nitong "The prodigal son is back."

Ano ang ibig sabihin niya nito?

Pahayag ni Richard, "Alam mo, Boy, at times I can be very controversial.

"May masabi lang ako minsan, nagiging malaking news na.

"Well, I'm proud that I'm back with ABS-CBN.

"I entered ABS in 1986 when I was just starting. I worked for 14 years here.

"After ten years, I'm back with ABS again."

May trivia pa si Boy. Ayon sa kanya, ang dressing room daw na ginamit ni Richard during his guesting sa Bandila ay ang parehong dressing room na ginamit ng aktor noong nasa ABS pa siya.