Bohemian-inspired ang ini-request nina Jolina Magdangal at Mark Escueta na suutin ng mga bisita sa kanilang garden wedding noong November 21.

May pagka-Bohemian din ang style ng wedding gown ni Jolina. 

Pero dahil sa garden ang setting ng kasalan, nahaluan din ito ng fairy theme dahil sa pakpak na suot ni Jolina sa reception.

Ayon kay Jolina, kinailangan pa nilang orderin sa U.S. ang isinuot niyang pakpak dahil walang gumagawa ng ganoong klase rito sa Pilipinas.

Pero hindi maikakailang masaya at kuntento si Jolina dahil ibinigay ni Mark ang klase ng wedding na pinapangarap nito.

Ani Mark, "Ako naman, mula umpisa, ibinigay ko sa kanya.  

"Basta ako, simple lang: gusto ko masaya siya.

"Hanggang sa magka-bahay kami, sa kanya ko ipapaano lahat yun."

Natatawang biro naman ni Jolina, "Ay, naku, puno ng butterfly yun [bahay], sige ka!"

Ayon pa kay Mark, "Ita-try ko talaga ang best ko na mangyari lahat ng gusto niyang mangyari."

Pero sabi ni Jolina, "Ayoko namang isipin na ako, ako, na puro idea ko yun. 

"Hindi naman mangyayari yun kung hindi niya ako tinulungan. 

"Yung scrapbook, sa kanya yun, e. 

"Yung layout, idea na gawing scrapbook, sa kanya yun.

"Invitation, kanya yun."