Eksklusibong nakapanayam ng PEP.ph (Philippine Entertainment Portal) si Rhian Ramos sa holding area ng cast ng pelikulang The Road, bago sila tuluyang lumabas para sa red carpet premiere nito.

Ang GMA Films movie ay nag-premiere sa SM Megamall Cinema 3 kagabi, November 25.

Inusisa ng PEP si Rhian tungkol sa kontrobersiyal na pahayag ni Mo Twister sa Juicy, gayundin sa mga kakaibang pahiwatig ng TV host-actor sa recent Twitter at Tumblr posts nito.

(CLICK HERE to read related story.)

Paano niya hina-handle ang muling pag-init ng isyu tungkol sa kanila ni Mo?

"I don't know. Ako kasi I try to think the way the person thinks.

"Parang iniintindi ko kung anong klaseng tao ba siya o ano kaya yung iniisip niya kung bakit kailangan niyang gawin yung mga bagay na feeling niya kailangan niyang gawin.

"Tapos iniintindi ko na lang imbes na magalit pa ako. Kasi dati madali akong magalit sa mga ganun.

"Parang medyo may pikon factor ako.

"Pero these days parang I realize nga na ginagawa ko rin yun sa sarili ko na parang pag nadi-disappoint ako or nagagalit ako, kasalanan ko rin kasi dapat hindi ako mag-expect sa tao ng more than what they can do.

"Kung ganitong tao lang sila, ganitong tao lang sila. Hindi ako kailangan mag-expect ng ganitong klaseng tao," paliwanag ni Rhian.

STILL NOT FRIENDS. Ayon kay Mo, nung magkasakit siya at ma-ospital kamakailan ay dinalaw siya ni Rhian. Totoo ba ito?

"Oo pinuntahan ko siya. Kasi naman, siyempre, hindi naman mawawala yung concern ko.

"And I wanted to see lang kung okay siya, mukhang okay na at healthy pa."

Sa pagdalaw niya kay Mo, masasabi ba niya na magkaibigan na sila ngayon?