Magkasamang dumating ang magkasintahang Jennylyn Mercado at Luis Manzano sa 8th Golden Screen TV Awards na ginanap sa Teatrino sa Greenhills noong Martes ng gabi, November 29.

Pagpasok ng dalawa, saka naman dumating si Dennis Trillo—na mukhang nasabihang nasa loob na ang dalawa kaya hindi na muna ito pumasok, at tumambay muna sa labas.

Si Dennis ang dating boyfriend ni Jennylyn bago si Luis.

Sa backstage, kung saan nakapuwesto sina Luis at Jennylyn, tinanong ng PEP.ph (Philippine Entertainment Portal) ang Kapuso actress kung alam na ba nitong nandun din si Dennis.

Sabi ni Jennylyn, "Nakita ko nga ang kotse niya. Hindi naman kami nagkita.

"Okay naman kung magkita kami, wala namang masama dun, e."

Pagkatapos mag-present ni Jennylyn at nang tinanggap ni Luis ang award bilang Outstanding Reality Host sa programa nila ni Billy Crawford na Pilipinas Got Talent, umalis na sila at sinundan ng media.

Nasa labas pa rin si Dennis. Pero pumasok ito sa isang katabing karaoke bar bago lumabas ang magkasintahan.

Matagal pa sina Luis at Jennylyn sa labas dahil in-interview pa sila ng reporters.

Lumabas na lang si Dennis pagkatapos matiyak na nakaalis na ang dalawa.

Pareho naman ang mga pahayag nila na hindi sila nag-iiwasan, pero hindi pa rin sila nagkita roon.

Ayon kay Luis, "I don't see the point naman para mailang ako o kahit ano.

"I'm with Jen here, we have our purpose.

"Si Dennis nandito rin to represent one of his shows.

"So, I don't see the point."