Ikalawang beses nang kasama sa Shake, Rattle & Roll [SRR] franchise ang young actor-singer na si Sam Concepcion.
Kasama siya ngayon sa "Parola" episode ng SRR 13, entry ng Regal Films para sa Metro Manila Film Festival (MMFF) ngayong taon.
Ang una raw niyang ginawa ay ang SRR 9. Para kay Sam, masaya ang gumawa ng horror films.
Saad niya, "Parang usually po kasi, kapag nanonood ka ng horror, natatakot ka.
"Pero, kapag ginagawa mo, parang kabaligtaran talaga dahil ikaw ang nananakot.
"Iba ang experience na alam mo kung paano ginagawa yun.
"Parang hindi talaga siya nakakatakot kasi alam mo ang ginagawa, pero iba ang kinalalabasan."
Bukod sa SRR 13, kasama rin siya sa afternoon series ng ABS-CBN na Anghelito, Ang Batang Ama at abala rin daw siya sa pagpo-promote ng Forever Young album niya.
Sa darating na taong 2012, posible raw na pasukin na rin niya ang Asian music scene.
CHRISTIAN BAUTISTA'S FOOTSTEPS. Pareho silang nasa Stages Management ni Christian Bautista na nakagawa na rin ng pangalan sa Asia.
Sa career daw ba ni Christian isinusunod ang tatahaking landas ng kanyang karera?
"Well, iba po kasi ang naging impact ni Christian and Karylle [na magkasama sa Kitchen Musical na ipinapalabas sa Asia].
"Pareho silang Stages [artists] din, pero, malaki ang Kitchen Musical na franchise.
"Ipinapalabas [ito] sa Asia and other countries. So, siguro, soon..."
SINGING OR ACTING? Kung may opportunity raw na tulad ng nabanggit na palabas, mag-o-audition din daw siya.
"Yes. Isa yun sa mga gusto kong ma-experience. If [I'm] given the opportunity.
"It's all about timing din naman po. Right project, tamang role. Noong mangyari ang Kitchen Musical, saktung-sakto talaga sa kanila."
Palagi naitatanong kung ano ba talaga ang priority ni Sam sa kanyang career. Singing ba, o acting?
"Palagi po akong natatanong ng question na 'yan. Ang hirap sagutin, e. Kasi po, parang magkaiba.
"Kapag nag-acting ka rito sa Pilipinas, ibang klase rin ang impact mo.
"Siyempre, yung teleserye pinapanood ng mga tao. Yung music naman, parang ibang way naman yun. Parang magkahiwalay na path.
"Yung music naman, parang iba rin ang ginagawa mo. Yung album, it's played on the radio.
"So actually, at this point, tinitingnan ko po kung ano ang mas magandang way para sa akin to get there.
"Right now, I just feel very blessed na nagagawa ko siya pareho and iwe-weigh natin kung saan man maganda, 'di ba?"
STILL A KAPAMILYA! Ayon kay Sam, kakapirma lang daw niya ng panibagong kontrata with ABS-CBN.
"Kaka-sign ko lang po ng another contract for two-and-half years."
Nang matanong ito kung wala ba siyang natanggap na offer from TV5, nagbiro si Sam ng, "Kapag mga one billion na po."
"Hindi po, hindi po...none that I know. At saka, wala naman po ako sa ganoong level."
GIRLS, GIRLS, GIRLS? Sa edad niyang 19, wala pa rin masasabing consistent na nali-link sa kanya or nabalitang girlfriend niya ngayon.
Katwiran ni Sam, "Yun nga po, siguro sa tagal na wala, parang sa ngayon, masaya lang po ako na single lang.
"Sa totoo lang, I feel na mas kailangan ko ngayon na mag-concentrate sa career ko.
"Tingin ko rin po, mas gusto ko ngayon to have friends at walang pressure sa relationship. Mahirap yun, e.
"Lalo na when you're in the business, wala kang oras. Kahit na i-try mo rin to pursue somebody, hindi mo rin mapapanindigan."
Wala ba siyang nililigawan talaga?
"Hindi po ligaw. Kasi, kapag nililigawan, ipu-pursue mo talaga. Kaya lang, hindi ko rin...well, I don't want to lead anybody on tapos, hindi ko rin itutuloy."
Mero'n din naman daw siyang napupusuan, pero hindi pa lang daw niya nililigawan.
Dugtong pa niya, "Kapag teenager ka naman, well, ayoko rin namang magseryoso. Hindi pa naman ikakasal. Parang, just having fun. Just being [who] I am."
HIS CRUSH? Matagal bago nasagot at nakapagsabi si Sam ng babaeng masasabi niyang attracted siya. Nahihiya raw kasi siya na malaman ng girl.
"Nakakahiya kapag kaibigan mo, 'tapos hindi nila alam, ['tapos] malalaman nila na crush ko pala.
"Parang nahihiya ako sa mga kaibigan ko," natatawa niyang sabi.
Pero sabi rin niya, "Siguro sa mga hindi ko pa maabot ngayon. Yung malayo pang mangyari.
"Pero siguro ako ngayon, I really find Kim Chiu very attractive.
"She just seems very sweet and good-looking."
Si Kathryn Bernardo naman, hindi raw niya itinatangging maganda talaga. Sina Kathryn at Louise delos Reyes ang mag-aagawan sa atensiyon niya sa SRR 13 episode na "Parola."
Ayon kay Sam, "Si Kathryn, she's very pretty at saka, iba ang dating ni Kathryn. Kaya lang, 15 lang po [siya].
"E, mero'n po akong little sister na 15, so, parang ang weird.
"Siguro kapag mga 18, kapag mga ganoong age."