May mga kumakalat ngayong negatibong tweets na tumutuligsa sa TV host-actor na si Ryan Agoncillo kaugnay ng kinasangkutan nitong "traffic altercation" last weekend.

Narito ang ilan sa naturang tweets:

"For those who are not aware, Ryan Agoncillo overtook a van carrying a 2-yr old boy. Drove a car w/o license plates. | TARANTADONG PINOY."

"RYAN AGONCILLO, ur such a bully. better control ur road rage sir!!!"

Ayaw na sanang palakihin ni Ryan ang nangyaring "road problem" sa pagitan nila ng Philippine Daily Inquirer reporter na si Marlon Ramos.

Pero, hindi na nga siya nakaligtas sa pagtatanong ng PEP.ph (Philippine Entertainment Portal) at iba pang media tungkol dito sa presscon ng pelikula nila ng asawang si Judy Ann Santos, ang My Househusband: Ikaw Na!, kahapon, Disyembre 7, sa Napa Restaurant sa Scout Limbaga, Quezon City.

Ang naturang pelikula ang entry ng OctoArts Films sa parating na Metro Manila Film Festival (MMFF) 2011 sa Disyembre 25.

Ayon kay Ryan, naganap ang insidente noong Linggo, Disyembre 4. Pero ang Twitter feeds ni Marlon ay naka-date naman ng Disyembre 3, Sabado.

Kasama ni Ryan si Judai na nakaupo sa tabi niya sa passenger's seat nang mangyari ang insidente.

Sa bungad na pananalita ni Ryan, kaagad siyang humingi ng paumanhin kay Marlon at sa mga kasama nito.

"Well, noong una kasi, nung nangyayari yung insidente, litung-lito ako na may kasamang takot.

"But later on when I found out...it's my friends kasi who told me about it parang the next day or parang maggagabi.

"I checked Twitter and the Twitter feeds are from there...if I remember right, Marlon Ramos.

"Ganito kasi yun, first of all, I want to apologize to Marlon Ramos at doon sa pamilya na nandun sa van na nakaengkuwentro ko sa daan.

"I apologize and walang maling isinulat si Marlon dun sa Twitter feeds niya about sa nangyari.