Nang mabalitang nagkabalikan na raw sina John Lloyd Cruz at Shaina Magdayao, naging tikom ang bibig ng dalawang Star Magic talents tungkol dito.

Una silang nakitang magkasamang muli sa nakaraang concert ni Jed Madela matapos ng halos isang buwan ding paghihiwalay.

HAPPY FOR SHAINA. Sa balitang nagkabalikan na ang kanyang kapatid at si John Lloyd, nangingiting sumagot ang actress-singer.

Aniya, "Si Kuya Germs [German Moreno] na yata nag-confirm, e. Kasi yung dalawa, ayaw pang magsalita. 

"Ako din naman, ayokong pangunahan. Ayoko rin namang manggaling sa akin.

"Pero sinabi na rin naman ni Kuya Germs na nagkabalikan na sila, then I guess ganun din ang sasabihin ko—yes, it's true."

Nakausap ng PEP.ph (Philippine Entertainment Portal) si Vina Morales noong Martes, December 6, sa charity event ni Derek Ramsay para sa Habitat for Humanity sa Navotas.  

Bilang isang kapatid, masaya si Vina sa pag-aayos nina Shaina at John Lloyd.

"I always knew naman na magkakabalikan silang dalawa.

"Nakita ko naman kung paano rin tratuhin ni John Lloyd ang kapatid ko.

"And ganun din naman ang kapatid ko kay John Lloyd.

"I knew naman na they really care for each other.

OKAY WITH JOHN LLOYD. Ayon kay Vina, hindi siya nagtanim ng sama ng loob kay John Lloyd sa mga nangyari kahit na nakita niyang hindi naging madali kay Shaina ang lahat.

"Siguro sa lahat ng mga pangyayari, it's not because broken-hearted ang kapatid ko, it's not because of John Lloyd, [ito ay dahil sa] buong situation.