Naging sentro ng atensiyon ang magkasintahang sina Luis Manzano at Jennylyn Mercado sa ginanap na grand finals ng VSR (Voices, Songs, & Rhythms) nuong Miyerkules, Disyembre 7, sa Calaca town, Batangas.
Ang nasabing event ay isa sa mga highlights ng Ala Eh Festival kaugnay ng celebration ng foundation day ng Batangas.
Naroon si Luis bilang host kasama si Ruffa Gutierrez, samantalang si Jennylyn naman, kasama sina Ogie Alcasid, Jean Garcia, at ilan pang celebrities ay mga judges naman para sa kompetisyon.
Hindi maitago ang sweetness sa isa't isa nina Luis at Jennylyn kahit pa alam nilang ang daming taong nakamasid sa kanilang dalawa nang gabing iyon.
At mukha namang masaya si Batangas Governor Vilma Santos para sa kanyang anak na si Luis at girlfriend nga nito na si Jennylyn.
"Maligaya talaga ako for them," ang sabi ng Star For All Seasons sa PEP.ph (Philippine Entertainment Portal)
"Kasi ang unang-una naman sa akin para maging maligaya ako is to see my son happy.
"Nakita kong masaya si Lucky. Dahil siguro pinasasaya siya ni Jen."
Bago ang ginawa ni Luis ang pag-amin na sila na nga ni Jennylyn, kinonsulta ba siya nito?
"Lagi naman kaming may konsultahan. But 'yong pag-amin, sila lang ni Jen 'yon.
"Wala namang nalilihim sa akin when it comes to his lovelife. Kasi andito ako to guide.
"Pero I'm not meddling. Hindi ako nakiki-tsismis sa kanya.
"I'm just here to guide especially...I'm very very particular sa kaligayahan ng anak ko.
"Basta ang sa akin...masaya lang siya, masaya na rin ako."
For sure lagi naman silang may communication ni Jennylyn dahil magkasundo nga sila.
