NAGSIMULA SA TUKSUHAN. Nagsimula sa tuksuhan ng mga kasamahan nila sa Happy Yipee Yehey! ang umusbong na pagtitinginan nila Bianca Manalo at John Prats sa isa't isa.

Noong July 25, sa panayam ng PEP sa beauty-queen-turned-TV-host-actress, kapansin-pansin ang mga pahayag ni Bianca na bukas na talaga siya sa posibilidad na maaaring mauwi sa totohanan ang panunukso sa kanila ni John ng mga co-host nila sa Happy Yipee Yehey!

Nasangkot pa nga si Bianca sa hiwalayang John Prats at Rachelle Anne Go, ngunit nagsimula lang naman talaga sila bilang magkaibigan, na nauwi sa tuksuhan, 'tapos ngayon nga'y umamin na ang dalawa nitong September, sa magkahiwalay na interview, na "exclusively dating" na sila.

PROCESSING FRIENDSHIP? Nagsimula ang lahat sa balitang nililigawan diumano ni Matteo Guidicelli ang aktres na si Maja Salvador, ngunit wala raw katotohanan ito. Subalit hindi naman niya itinanggi na, "Type ko siya."

At bilang paglilinaw sa totoong relasyon nila ni Maja, ani Matteo sa interview noong July 9, "Hindi naman ako [nanligaw] or anything, processing lang—processing friendship, closeness. We're really close friends."

Ngunit sa nagdaang September 3, Star Magic Ball, dahil sa nangyaring engkwentro ng September 4 ng madaling araw kina Matteo Guidicelli at Coco Martin—dahil nga diumano'y nagselos si Matteo kay Coco, na nakapareha ni Maja sa natapos na teleseryeng Minsan Lang Kita Iibigin.

Sa magkahiwalay na interview ni Boy Abunda sa dalawa sa The Buzz nitong September, tungkol nga sa issue—umamin na rin sila Matteo at Maja na meron na nga silang relasyon, kung kaya't nagkaroon din ng ganoong engkwentro sa pagitan nila Matteo at Coco.

SHALANI ENGAGED. Nakilala si Shalani Soledad noong naging nobya ng Presidente ng Pilipinas na si Noynoy Aquino o PNoy. Ngunit mas nakilala si Shalani nang maging co-host ito sa TV5 variety show na Will Time, Big Time.

Dahil nga single ngang muli ang dalaga, napabalitang may dine-date daw ito na representative ng lone district ng Pasig City—Rep. Roman Romulo.

Nakita diumano ang dalawa ng September 2 ng madaling araw sa Baclaran church. Bago ang linggong iyon, nakita din sila sa The Peninsula Manila Hotel.

At nasabi lang ni Rep. Romulo, "Umuusbong pa lang."

Ngunit ang ikinagulat ng lahat, ang balitang pumutok noong September 14—ang pag-anunsyo ni Rep. Romulo sa isang interview sa ABS-CBN—ang engagement nila ng Valenzuela City councilor at TV host Shalani Soledad.

Next year ang target ng magkasintahan na magpakasal at mag-settle down.

GLOWING BIANCA G. Noong January 17, lumabas ang balita na ang bagong masugid na manliligaw ni Bianca Gonzales ay ang basketball player na si JC Intal. Si JC ang ex-boyfriend ng Kapuso actress na si Carla Abellana.

Ayon nga kay Bianca noon, medyo bago pa lang ang pagkakakilala nila ni JC.