"It's just a few months. Siguro mga October [last year] lang, gano'n...

February 13, may mga naniniwalang magkasintahan na sila. Isa na nga raw pruweba ay ang mga photos nila sa Facebook account ng basketbolista.

Ngunit mabilis namang dinipensahan ni Bianca ito at nilinaw na "We're only dating, parang getting to know each other."

Subalit nitong September 1, naging open na si Bianca sa kanyang love life—na ang boyfriend niya ang basketball player na si JC Intal.

Tahimik at masaya ang  itinatakbo ng relasyon ng dalawa. Mukhang mas maganda nga raw yata pag hindi parehong taga-showbiz ang magkarelasyon.

SUPER-DUPER-MEGA SPECIAL. Sa isang balitang lumabas noong March 23, hindi na naitago ng StarStruck V First Prince na si Enzo Pineda ang kanyang paghanga sa bida ng natapos na telefantasya na Alakdana na si Louise delos Reyes.

Ayon kay Enzo, nakilala niya ang dalaga nang minsa'y nag-guest ito sa Party Pilipinas.

Ngunit makalipas ang isang buwan kapansin-pansin ang pagiging kumportable ng dalawa sa isa't isa kaya marami ang nagtataka kung nasa ligawan stage pa rin ba sila, o baka naman sinagot na siya ni Louise.

Consistent naman ang dalawa sa mga interviews nila na gano'n pa rin sila—they consider each other special.

Ayon nga kay Enzo, "Ganun pa rin kami, super-duper-mega special sa isa't isa."

Sa isang hiwalay namang interview, sumang-ayon din naman si Louise, "Ano kami, exclusively dating. Siguro kami yung going strong."

MUTUAL UNDERSTANDING. Nagkatrabaho sina Rocco Nacino at Sheena Halili sa defunct GMA-7 sitcom na Kaya ng Powers, at sinasabing naging close sila dahil dito. Kung kaya't umugong ang balita na sila na daw ng naturang aktres.

Tumanggi naman ang young actor, "Hindi po kami. Pero we have a very special relationship. Special friendship," saad niya sa isang interview noong February 23.

Bagamat madalas silang makitang magkasama lately, nilinaw ni Rocco na hindi pa sila opisyal na magkasintahan ni Sheena.

"We are dating," paglalarawan ng binata sa estado ng relasyon nila ngayon.