Sinabi ni Kris Aquino sa presscon ng Segunda Mano noong nakaraang linggo na aalis sila ng kanyang mga anak na sina Josh at Bimby patungong New York matapos ang Pasko.

Doon sasalubungin ng mag-iina ang New Year.

Ayon kay Kris, "December 26 alis kami and we'll be back on January 7. 

"Because I'm an obsessive-compulsive mother, we all have the tickets na of the shows that we're gonna watch.

Binanggit ni Kris ang Spider-Man, Lion King, Radio City Musical Spectacular, Addam's Family, Rock of Ages sa mga Broadway musicals na nakatakda raw nilang panoorin doon. 

Dagdag pa niya, "Pero yung ako lang ang manonood, kasi one-man show lang naman siya, kasama ko si Liz Uy [celebrity stylist]. Kasi she's driving us. 

"And si Sweet [John Lapus], ang papanoorin namin, si Hugh Jackman. 

"Hindi naman siya si Wolverine doon, pero ang mahal-mahal ng ticket!

"Kasi naka-itinerary na... Nakakatawa, naka-type na. 

"Day 1, punta kami sa Toy Center... Pero para happy ang mother, pupunta ng Sephora bibili ng makeup. 

"Day 2 na ang shows. Puro matinee lahat ang shows na binili ko kasi para hindi sila [her sons] antukin."

Sabi pa ni Kris, magbabaon din daw sila ng rice cooker pagpunta nila ng New York.

Paliwanag niya rito, "Kasi si Bimby, nababaliw pag hindi masarap yung [rice], kaya naalala ko.

"Hindi...si Bimby talaga, he really looks for rice. Naa-unhappy [pag wala].

"Every day, he can eat fried chicken, cream of mushroom and rice, and walang exadg [exaggerated], eight [bottles] na Nido.