First taping day kahapon, December 22, ni Ryza Cenon para sa upcoming primetime series ng GMA-7 na Legacy.

Pero pagkatapos ng taping niya, lilipad na siya papuntang Cagayan de Oro, kasama ang grupo ng Kapuso Foundation. 

Tutulong daw siyang mamigay ng relief goods sa mga kababayan nating nasalanta ng bagyong Sendong.

Napag-alaman din ng PEP.ph (Philippine Entertainment Portal) kay Ryza na doon na magpapaabot ng Pasko ang mga taga-Kapuso Foundation.

SPENDING CHRISTMAS ON THE STREETS. Nakaugalian na ni Ryza na ipagdiwang ang Pasko sa pamamagitan ng paglilibot sa mga kalye upang mamigay ng pagkain sa mga higit na nangangailangan.

Lahad ni Ryza, "Ginawa ko na siya last year, namimigay kami ng foods.

"Kasi sabi ko nga, 'Bakit may iba na ganoon, nagki-Christmas sila, pero natutulog sila sa kalsada?'

"Sabi ko, 'Bakit hindi ko i-try na magbigay ng pagkain, sa kanila mag-spend ng Christmas? And then, after na lang na mamigay, doon na lang tayo kumain.'"

Ayon pa sa Kapuso young star, dapat din niyang ibahagi sa mga nangangailangan kung anuman ang blessings na meron siya.

"Yun naman, e...kahit naman wala po akong work, bina-budget ko ang kinita ko the whole year para lang mag-share. 

"Meron din ako sa December 27 sa PCMC, sa Philippine Children's Medical Center. 

"Actually, it's more on event ng tita ko. 

"Sabi ko, sama ako. Mamimigay ako ng toys.

"Ganun...parang pang-third year ko na po.

"At ang ginawa ko naman ngayon, dahil hindi pa ako nakakapag-spend ng Christmas with my fans, ini-invite ko naman sila para mag-volunteer.