Puring-puri ni Kris Aquino si Dingdong Dantes dahil naisipan daw ng aktor na ibahagi sa mga nabiktima ng bagyong Sendong ang ilang porsyento ng first-day earnings ng pelikula nilang Segunda Mano.
"Kasi first time niyang [Dingdong] mag-produce na pang-festival.
"Sabi niya, 'How soon we find out how much we earned?'
"Sabi ko, 'Sa Star Cinema kasi, may booking report kaming natatanggap every night.'
"Hinihintay ko yun mga 1:00 a.m. Sabi ko, 'By one a.m. we'll know how much we earned the first day.'
"Sabi niya, 'Can we do tithing?' Sabi ko, 'Of course.'" Ang tithing ay ang pagkuha ng porsiyento sa kinita.
"Siyempre, hindi naman namin sagot ang earnings ng Star Cinema na fifty percent.
"Pero yung 50 percent na kay Dong, sa akin, at kay Edgar Mangahas [ng MMJ Production, Inc.], 10 percent of our 50 percent idu-donate namin," kuwento ni Kris, nang nakausap ito ng PEP sa first screening ng Segunda Mano, sa Cinema 4 ng Glorieta 4, Makati, kahapon ng tanghali.
"I commend Dong for that idea," sabi ni Kris na gamit ang isang palayaw ni Dingdong.
"Because sabi niya, sobrang blessing na, na-Graded A kami, which means na lahat ng amusement tax binalik sa amin.
"So, kung ano yung dapat na mapunta sa gobyerno, ibibigay na namin nang deretso talaga sa mga tao."
Pahayag naman ni Dingdong, "Kasi, gusto ko sana, na mas magkaroon ng dahilan na yung pagsasaya natin sa Pasko, na alam naman natin na devastated ang karamihan ng mga kababayan natin sa Mindanao.
"Maganda rin, na we'll all put our efforts together na mas magkakaroon ng magandang silbi at kahulugan yung mapupunta ng box-office," ayon pa rin sa aktor.
KRIS CLARIFIES RUMOR. Kaugnay pa rin sa trahedyang dulot ng bagyong Sendong, nakarating na rin kay Kris na nagkaroon ng isyu ang unang pagpunta niya sa Cagayan De Oro.
Nagsimula ito no'ng may nag-post sa Facebook na nagkaroon daw ng problema sa pamamahagi ng tulong.
Unang dumating daw kasi ang mga relief goods ng ABS-CBN sa Brgy. Concepcion, pero hindi muna ipinamigay sa mga tagaroon dahil kailangan unahin muna ang grupo ni Kris na nasa Brgy. Balulang nung mga oras na iyun.
Lalong kaawa-awa raw ang mga taga-Brgy. Concepcion dahil naghintay pa raw sila nang matagal bago sila binalikan, kasama na ang grupo ni Kris.
Ayaw sanang sagutin pa ito ni Kris dahil dapat na ang ABS-CBN daw ang magpaliwanag nito.
Pero, dahil siya ang napuputukan ng isyu, napilitan na rin itong magpaliwanag.
Ayon kay Kris, "We went day one. I think ABS-CBN will be the one to clear that, kasi hindi kami ang at fault.
"Hindi ko po binubuhat ang sarili naming bangko, pero dala namin ni Angel Locsin yung unang 'pinamigay.
"We had the foresight, na alam namin, na not all relief goods would be there.
"So, in-insist namin dun sa eroplano that we were riding in, limang balikbayan boxes.
"Ako, ang pinrepare ko, kasi 'di ba in disasters like this, yung hygiene, yung hindi ka makaligo and all [hindi masyadong nabibigyan ng importansiya].
"So ako, handa ako with soap and shampoo. Si Angel naman handa siya with toothpaste [na ipamamahagi].
"Ang nangyari kasi was that, mali ang communication, and ang tumulong sa amin kasi was the advance party of PNoy [President Noynoy Aquino].
"Ang nangyari was that we went to the first barangay, and we were only able to distribute yung boxes namin [na pang-hygiene].
"Doon sa second barangay, dun ang mas maayos [ang distribution] na.
"Pero, ang sasabihin ko lang na pagklaro dito, internally kasi, dun nagkaproblema.
"Siguro, naintindihan n'yo naman na we were not involved, pero within ABS[CBN] 'yan.
"Siguro, bilang dun ako nagtatrabaho, hindi na dapat sa akin manggaling kung ano yung nangyari.
"Pero na-address na yung isyung iyun, and siguro kami ang guinea pig.
"Kami yung day one, so yung day two onwards naayos na.
"And I'd like to say na yesterday proud na proud ako kasi yung mga kapatid ko were able to gather fifty portalets donated by DMCI and Shell.
"Kasi yun ang importante, 'di ba? Wala kasi mga banyo ngayon. So kagabi, na-airlift yun and na-ship.
"So dini-distribute na ngayon in both Iligan and Cagayan de Oro," saad ni Kris.
MAKE THE VICTIMS SMILE. Balak ni Kris na bumalik muli sa Cagayan de Oro dahil naisip daw niyang dapat mabigyan ng kasiyahan ang mga tagaroon, lalo na ang mga kabataan.
"Ang balak namin, kasi nag-usap kami, na ako, si Angel, si Anne [Curtis]...
"Sinabi namin na, 'You know, after all the rebuilding and after the cleaning up, dapat siguro ang gagawin natin is to bring joy to the children.'
"Kasi 'di nila na-experience ang Pasko," pakli ni Kris.