Dagdag pa nito, "The possibilities of MVP's buying power is endless. At this point, his next investment could be ANYTHING."

May mga nagkomento naman na may pagka-self-serving ang mga tweet na ito ng Kapatid showbiz talk-show host.

Kapag pinuri raw kasi ni Ruffa ang sariling boss, lumalaking lalo ang imahe ng Kapatid network na kinabibilangan niya.

Pinalalabas rin daw ng mga tweets na ganito na ang may pondo upang makipaglabanan sa network war ay ang Kapatid station.

Maaari raw itong magdulot ng bandwagon effect, kung saan maaaring masuyo ang mga advertisers at stars na pumunta na sa TV5.

"NO NEGOTATION GOING ON." Kaugnay ng isyu ng pagbili at pagbenta ng GMA-7, naglabas na ng statement ang Kapuso station.

Sa pamamagitan ng text message ngayong araw, sinabi ng press relations officer ng GMA-7 na si Angel Javier sa PEP managing editor na si Karen Pagsolingan na walang katotohanan ang mga usap-usapan.

Ayon sa kanya: "There is no truth to the rumor going around in social media sites and the internet that Mr. Manny Pangilinan has bought GMA Network.

"In fact, there is no negotiation going on between GMA and Mr. Pangilinan regarding the latter's acquisition of GMA-7."

Bagama't itinanggi na ng Kapuso network ang naturang isyu, ayaw namang magbigay ng komento ni MVP tungkol dito.

Ayon sa tweet ng ANC reporter na si Coco Alcuaz ngayong umaga: "Pangilinan declines to comment on GMA speculation, saying he's on 'half vacation mode.'

"Official statement to come in due course."

Mananatiling bukas ang PEP.ph sa paglathala ng reaksyon ng mga taong makakapagbigay-linaw sa isyung ito.