"GMA Network is rightfully interested in making sure that only accurate information is disseminated to the public based on available court records."

Ito ang reaksiyon ng GMA-7 sa naging pahayag ng ABS-CBN na hindi na dapat nagkukomento ang Kapuso network tungkol sa kaso ng Kapamilya network laban sa AGB Nielsen.

Wala naman daw kinalaman ang GMA-7 sa naturang kaso.

Kaugnay ito ng isinampang kaso ng ABS-CBN noong 2007 laban sa AGB Nielsen, kung saan sinasabi ng Kapamilya network na dinaya ng GMA-7 ang ratings sa ilang bahagi ng Bacolod at Iloilo.

Nang mga panahong iyon, parehong kliyente ng AGB Nielsen ang Kapamilya at Kapuso networks.

Sa kasalukuyan, AGB Nielsen pa rin ang ratings service provider ng Kapuso network, habang Kantar/TNS na ang sa Kapamilya network.

Ayon sa naunang statement na ipinadala ng GMA network, sa pamamagitan ni Corporate Communications consultant Butch Raquel, sa PEP.ph (Philippine Entertainment Portal) noong Disyembre 28, 2011:

"The case filed by ABS-CBN against AGB was dismissed by Quezon City Regional Trial Court (RTC) Presiding Judge Charito Gonzales on January 7, 2008 for being prematurely filed.

"The Court likewise denied the Motion for Reconsideration filed by ABS-CBN in an Order dated June 8, 2009."

(CLICK HERE for related article.)

Sinagot naman ito ng ABS-CBN, sa pamamagitan ng kanilang Corporate Communications head na si Bong Osorio, sa ipinadala nilang statement sa PEP noong Disyembre 29, 2011.

Ayon sa Kapamilya network, "pending" pa ang naturang kaso.

Nakasaad sa statement ng ABS-CBN ang sumusunod:

"The ABS-CBN case against AGB is still pending resolution at the Court of Appeals, contrary to what GMA says has already been resolved.

"GMA is not party to the case and should refrain from commenting on it."