Nagsimula nang mag-shooting si John "Sweet" Lapus para sa kanyang pagbibidahang comedy movie sa Viva Films, ang Moron 5 and the Crying Lady, kahapon, January 11.

Mula sa direksiyon ng box-office director na si Wenn Deramas, "leading men" ni Sweet dito sina Marvin Agustin, Luis Manzano, Billy Crawford, Deejay Durano, at Martin Escudero.

Kinunan ang unang araw ng shooting ni Sweet sa North Cemetery sa Blumentritt, Manila.

Maraming gagampanang roles si Sweet sa Moron 5 and the Crying Lady kaya lahat iyon ay pinaghahandaan niya.

Kuwento niya sa PEP.ph (Philippine Entertainment Portal), "Pinaka-main character ko ay itong si Becky, isa siyang babae na may emotional na pinagdaraanan at sinisisi niya ang limang lalake sa nangyayari sa kanya.

"Marami siyang gagawin dito para makaganti sa limang lalakeng 'yan na naging peste sa buhay niya.

"Aside sa role na Becky, gaganap din ako sa iba't ibang characters.

"Magiging nanay ako, magiging tatay ako. May role pa na maton ako.

"Para naman daw mapatunayan ko na deserve ko ang mga napanalunan kong acting awards. Might as well umarte na ako nang todo-todo.

"Kaya nasabi ko tuloy na after na matapos ang shooting namin, feeling ko na ito na ang last movie ko dahil pinagod na ako nang husto!

"In short, sinulit ng Viva ang kontrata na pinirmahan ko sa kanila!" natatawang sabi niya.

FEELING THE PRESSURE. Inamin ni Sweet na malaking pressure ang pelikulang ito para sa kanya dahil nasa Viva rin ang kaibigan niyang si Vice Ganda.

Napatunayan na kasi ang box-office power ni Vice dahil highest-grossing Filipino film of all-time na ang pinagbidahan nitong Praybeyt Benjamin.

"Siyempre naman, I am feeling pressured right now!" tawa na naman ni Sweet.

"Magiging ipokrita naman ako kung sasabihin ko na hindi ako kinakabahan.