Masalimuot man ang sitwasyong ngayon ni Janelle Manahan, patuloy siya sa paghahanap ng katarungan para sa kanya at sa napatay na boyfriend na si Ramgen Revilla.

At sa kabila ng eskandalong dulot ng kumalat nilang sex video, nananatiling matapang si Janelle maging sa pagsagot sa mga maseselang tanong.

Sa interview ni Boy Abunda kay Janelle para sa The Bottomline, na napanood sa ABS-CBN kagabi, Enero 14, emosyonal man ay buo ang loob na sinagot ng nobya ni Ramgen ang mga isyung kinakaharap niya.

PRESENT CONDITION. Narito ang kabuuan ng naging pag-uusap nina Boy at Janelle. Una ngang kinumusta ni Boy ang kundisyon ni Janelle ngayon.

Boy: Kumusta ka?

Janelle: Okay naman po.

Boy: Okay as in okay? Ipaliwanag mo nga sa akin iyan.

Janelle: Ahh... okay kasi I'm trying to be strong. I'm trying to cope.

Boy: Trying to be strong. May mga pagkakataon na talagang nanghihina ka. Sa mga moment na nanghihina ka, ano ang ginagawa mo?

Janelle: Meron akong bagong natutunan [sa] lola ko. Sabi niya, para daw medyo gumaan yung loob ko, hanapin ko sa sarili ko na ma-forgive ko yung mga taong gumawa nito ng 100 percent.

Para gumaan ang loob ko, para makatulong din ako sa soul ni Ramgen.

Boy: But is that possible—to forgive 100 percent? Ni hindi mo pa alam kung sino ang pumaslang, pumatay sa iyong boyfriend.

Janelle: Siyempre for me, meron na akong idea kung sino.

Boy: But how can you forgive? Sinabi ba ng lola [mo] kung paano mo mapapatawad ang mga tao? How?

Janelle: I asked from God na bigyan ako ng courage to forgive 100 percent. Pinagdasal ko siya every day and dumating siya sa akin a few days ago lang.