Maugong ngayon ang usap-usapang malapit nang mawala sa ere ang programang Happy Yipee Yehey! ng ABS-CBN.
Ayon sa isang source na nagbigay ng impormasyon sa PEP (Philippine Entertainment Portal), Pebrero 4 ang petsa ng final airing ng Monday-to-Saturday noontime show.
Kagabi, Enero 19, nakausap ng PEP ang isa sa female hosts ng show, si Bianca Manalo, sa launch party ng bagong product line ng Clinique cosmetics.
Inalam namin sa host at beauty queen kung ano ang katotohanan sa likod ng balita.
"Actually, sinasabi nga na mag-e-end, pero hindi pa naman kami talaga binibigyan ng final call so hoping pa kami.
"Pero, at the same time, we are praying [na hindi totoo], and ngayon, ine-enjoy lang namin kung ano iyong meron kami," saad niya.
Araw-araw pa ring mapapanood sa ngayon ang programa sa ABS-CBN, at ayon pa kay Bianca, tuluy-tuloy lang ang pamimigay nila ng premyo at saya sa mga manonood.
Ano ang magiging reaksiyon niya sakaling maglapabas ng desisyon ang management na kanselahin ang programa?
"Actually, hindi ko kasi iniisip, e.
"Honestly, ha, hindi ko iniisip na mag-e-end, kasi kami naman masaya lang kami, e.
"Aah, hindi ko alam. Siguro kung mangyari man iyon, nakakalungkot.
"Pero ngayon kasi, every day, like every day naman, nilu-look forward naming pumasok dahil masaya talaga sa show. Masaya.
"So kung mawawala, siyempre malungkot. Sino ba naman ang hindi malulungkot, 'di ba?
"Sa ngayon kasi talaga, ine-enjoy lang namin," pahayag ni Bianca.
PROJECTS FOR BIANCA. Sakaling matapos ang programa, marami namang naka-lineup na mga proyekto para sa dating Miss Universe candidate.
