Napatalsik na si Gino dela Peña sa Survivor Philippines Celebrity Doubles Showdown sa huling tribal council noong nakaraang Martes.
At sa taped interview sa kanya Sabado, January 21, ng Startalk TX, sinabi ni Gino na...
"Sobrang nagulat ako, na-surprise ako! Ang problema lang siguro, parang may mga tinatrato kang kaibigan sa island which is iyon yung parang disadvantage, e.
"Dapat talaga during Survivor, as a competitor, as a player, hindi magkaibigan, so iyon," ang natatawang sinabi ni Gino.
Sa apat na nag-vote out kay Gino, kanino nga ba higit na sumama ang kanyang loob?
"Sumama man ang loob ko, sandali lang, kay Maey [Bautista] and Betong [Sumaya].
"Siguro, parang a little kay Arnold [Aninion].
"Konti, dahil siyempre parang he was asking me to help him the night before. Na parang... na huwag siyang i-vote out na.
"Well, ginamit nga niya yung mga cards na parang spiritual side, ganun, namersonal.
"Pero like I said, it's a game, e."
Si Gino ang ikaapat na miyembro ng Survivor jury. Ano ang magiging basehan niya sa pagpili ng Sole Survivor?
"Well ang gusto ko, tao na mapapagtiwalaan ko, isang tao na magaling sa challenges, not just sa challenges but siyempre sa camp life rin.
"At iyon nga, may puso, may puso, hindi marunong manapak ng tao."