"This is time for me to grow, to evolve, to learn."

Ito ang naging pahayag ng actress-TV host na si Iza Calzado tungkol sa kanyang desisyong lumipat mula sa GMA-7 patungong ABS-CBN.

Matatandaan na noong Disyembre 23 pa lang, inanunsiyo ng PEP.ph (Philippine Entertainment Portal)—sa pamamagitan ng PEP Alerts—ang paglipat ni Iza at ng isa pang dating Kapuso na si Carmina Villarroel sa bakuran ng Kapamilya network.

Nauna nang pumirma ng kontrata si Carmina sa ABS-CBN noong January 16. (CLICK HERE to read related article.) 

Sa ulat ni Reyma Buan-Deveza ng ABS-CBN, na nailathala rito kaninang hapon, January 24, naging opisyal na ang paglipat ni Iza sa pagpirma nito ng three-year contract sa Kapamilya network.

Nakapaloob sa kontrata ng 29-year-old actress ang paggawa ng isang teleserye, isang reality show, at isang pelikula.

"What I am allowed to disclose at this very moment is mayroon po akong drama show at magkakaroon ako ng reality TV show.

"Hindi naman ito tungkol sa buhay ko, kaya huwag kayong mag-alala, hindi n'yo ako susundan sa bahay ko," sabi ni Iza.

Nabanggit din sa ulat na may espekulasyon na maaring maging host siya ng second season ng reality show na The Biggest Loser Pinoy Edition

Matatandaan na ang unang naging host ng programang ito ay si Megastar Sharon Cuneta, na ngayo'y nasa Kapatid network na.

Sabi pa ni Iza tungkol sa kanyang paglipat: "I just think that this is time for me to grow, to evolve, to learn.

"I think it's just a matter of timing and I've always wanted to work again with people from Channel 2.

"Kasi noong nag-Star Cinema ako for Milan [2004], sabi ko, one day I'm sure I will work with them again.

"I guess this is just the way it works.

"It's just a business, and at some point, we will make a certain decision and hopefully without burning bridges."