Nakausap ng PEP.ph (Philippine Entertainment Portal) ang StarStruck alumnus na si Kevin Santos sa taping ng Kung Aagawin Mo Ang Langit ng GMA-7 noong Lunes, January 23 sa Fairview, Quezon City.

Sa panayam, nabanggit ni Kevin na may ginagawa rin siyang pelikula para sa GMA Films, ang My Kontrabida Girl.

Pinagbibidahan ito nina Aljur Abrenica at Rhian Ramos.

Medyo alanganin, pero tuwang-tuwa na ikinuwento ni Kevin ang isang eksena na nakasama niya si Rhian.

"Actually, meron kaming medyo kakaibang eksena, big scene siya, e, sa batis...

"Basta... basta ang hirap i-describe, e!" at natawa ang young character actor.

"Sobrang nagmarka yung eksena. Basta! Hahaha!

Para hindi naman kami mabitin, itinuloy na rin ni Kevin ang pagkuwento.

"Apat kami sa eksena—si Sef [Cadayona], si Enzo [Pineda], ako, 'tapos si Ken [Chan]... 'andun si Rhian sa eksena.

"Parang picto-pictorial na eksena dun sa movie... basta panoorin na lang ninyo."

Pero ano ba talaga ang ginawa nila sa naturang eksena at tawang-tawa siya?

"Paano ko ba sasabihin? Okay, yung eksena ni Rhian, kami yung iba, e... kaming apat."

Sa kakukulit namin kay Kevin, napaamin din namin siya kung ano yung "kakaibang eksena" nila sa My Kontrabida Girl. At biglang napabulalas na lang siya ng:

"Nagpakita kami ng puwet! Kaming apat!

"Tapos, si Rhian, parang nandun siya sa harapan, sa batis," may konting hiyang sabi niya.