Matapos ang mahabang Christmas, New Year, at birthday vacation ni Richard Gutierrez sa ibang bansa, muling nagbabalik sa trabaho ang Kapuso actor.

Magkakasamang pumirma ng kontrata si Richard, pati na ang kanyang mga kapatid na sina Ruffa at Raymond Gutierrez, sa Viva Talents Agency kahapon, January 25.

Ayon sa pinagkasunduan, mismong si Vic del Rosario, ang boss ng Viva, ang mamamahala sa endorsement deals ng magkakapatid.

Si Annabelle Rama naman, ang ina ng tatlo, ang bahala sa mga TV at movie projects nila.

Matapos ang contract signing sa opisina ng Viva sa 7th floor ng Philippine Stock Exchange Building sa Ortigas, Pasig City, nakausap ng PEP.ph (Philippine Entertainment Portal) si Richard.

BACK TO TELESERYE. Ngayong matatapos na ang hinu-host niyang reality show, ang Survivor Philippines Celebrity Doubles Showdown, balik si Richard sa paggawa ng teleserye.

Kuwento ng 28-year-old actor: "More or less, we met yesterday [January 24] with the creative team.

"Parang more or less, we came on the same page kung ano yung gusto naming mangyari for the next show.

"Pero siyempre, ide-develop pa yung story, ide-develop pa yung character ko dun.

"Pero more or less, alam na namin yung gusto naming mangyari for 2012 soap na gagawin ko.

"I'm going back to basic—acting, doing a good character, staying away from fantasy muna.

"I wanna challenge myself for this 2012 on my acting skills.

"Ako, I'm looking for that right project, right acting vehicle, and hopefully it will happen by 2012."

May idea na ba siya kung anong role ang gagampanan sa kanyang susunod na teleserye?

"Meron na, it's something different from the past characters na ginawa ko.